بٷگٸن قازاق ەدەبيەتٸنٸڭ كٶرنەكتٸ ٶكٸلٸ, بەلگٸلٸ ساتيريك كٶپەك ەمٸربەك باقيعا اتتاندى. جۇرتشىلىق قالامگەر قازاسىن اۋىر قابىلدادى. وسى ورايدا بەلگٸلٸ اقىن بايبوتا قوشىم-نوعاي جەلٸدەگٸ پاراقشاسىندا مارقۇممەن سوڭعى سٶيلەسكەن سەتٸ تۋرالى ەستەلٸك جارييالادى.
"و, جالعان-اي! جالعاننىڭ جالعان ەكەنٸ راس ەكەن! كٶپەن ەمٸر-بەك اعامىز ٶمٸردەن وزىپتى. اعامىزدى الدىنان جارىلقاسىن! وتباسىنا, اعايىن-تۋىستارىنا, ەدەبيەتسٷيەر قاۋىمعا, بارشا قازاق حالقىنا كٶڭٸل ايتامىن!
الماتىعا جولى تٷسپەي جاتسا, استانادان جيٸ تەلەفون سوعىپ, بٸردە ٶزٸنٸڭ اعا ەكەنٸن ەسكە الىپ ەركەلەتەتٸن, بٸردە «كۋرستارىڭنىڭ كٷيەۋ بالاسىمىن عوي» دەپ كٸشٸرەيەتٸن, بٸردە قۇدا ەكەنٸن ايتىپ, سىيلاپ تۇراتىن كٶپەن اعام ەدٸ ول!
بۇدان بٸر ايدان استام بۇرىن تٶرت تومدىق شىعارمالار جيناعى جارىق كٶرگەنٸن ايتىپ قۋانىپ تۇردى. «ساتىپ الايىن, پوشتا ارقىلى جٸبەرٸڭٸز», – دەسەم, «جاقىندا الماتىعا بارامىن. سول كەزدە الا بارامىن», – دەپ مەز قىلىپ ەدٸ. سوڭعى رەت ەكٸ اپتا بۇرىن حابارلاسىپپىز. ٶزٸنٸڭ تاياۋدا وتا جاساتىپ شىققانىن, تاماققا تەبەتٸ جوق ەكەنٸن ايتىپ, مۇڭايىپ تۇردى. «جاقسىلاپ دەمالىڭىز, ەم الىڭىز, تەۋٸر بولىپ كەتەسٸز», – دەپ جۇباتقانمىن. قاراشانىڭ 1-ٸ كٷنٸ تەلەفون شالسام, جەڭگەمٸز: «اعاڭىز اۋىرىپ جاتىر, سٶيلەسە المايدى», – دەيدٸ. ٷمٸت ٷزگەن جوق ەدٸم. «جاقسى, كەيٸنٸرەك حابارلاسامىن», – دەپ قوشتاسقانبىز. ەندٸ حابارلاسا المايمىز عوي...
قاشان دا ەلدٸ كٷلكٸگە كەنەلتٸپ جٷرەتٸن كٶپەن اعامىز اقىرى كٷللٸ قازاقتى كٷڭٸرەنتٸپ كەتتٸ!.." - دەپ جازدى ول Facebook پاراقشاسىندا.
