ۇلىتاۋ وبلىسىندا ەت ٶڭدەۋگە ارنالعان اۋقىمدى كەسٸپورىن سالىنادى. بۇل تۋرالى ايماق ەكٸمٸ بەرٸك ەبدٸعاليۇلى ايتتى, دەپ حابارلايدى قازاقپارات.
«اۋىل شارۋاشىلىعىن دامىتۋدا كەدەرگٸ كەلتٸرٸپ وتىرعان مەسەلە ەت فابريكاسىنىڭ بولماۋىنا قاتىستى بولىپ وتىر. بٸزدٸڭ ٶڭٸردەگٸ اۋدانداردا مال بارشىلىق. وسى ورايدا مالدىڭ باسىم بٶلٸگٸن وڭتٷستٸك ٶڭٸرلەرگە ەكەتٸپ جاتىر. ياعني وسى تاسىمالدانىپ جاتقان مال باسى وڭتٷستٸكتە بورداقىلانىپ, ەتكە ٶتكٸزٸلەدٸ. بٸزگە وسىنىڭ بارلىعىن وبلىس اۋماعىندا ۇيىمداستىرۋ كەرەك», - دەدٸ ەكٸم ٶڭٸرلٸك كوممۋنيكاتسييالار قىزمەتٸندە.
ونىڭ ايتۋىنشا, ٶڭٸردە اۋقىمدى ەت كومبيناتى قۇرىلاتىن بولادى. سوندىقتان ينۆەستورمەن كەلٸسسٶز جٷرگٸزٸلٸپ جاتىر.
«قازٸر يندۋسترييا ايماعى ايقىندالىپ جاتىر. سول جەرگە ينجەنەرلٸك جەلٸلەردٸ تارتىپ قويماقپىز. الداعى جىلى اتالعان نىساننىڭ قۇرىلىسىن باستايمىز دەگەن جوسپار بار. الدىن الا ەسەپتەۋ بويىنشا 7 ملرد تەڭگە قاراجات كەرەك بولىپ تۇر. ونىڭ ٸشٸندە كەم دەگەندە 3 مىڭ باس مالدى بورداقىلاۋ الاڭى بولادى. ەتتٸ ٶڭدەۋ, كونسەرۆٸلەۋ, شۇجىق ٶنٸمدەرٸن شىعارۋ كەسٸپورىندارى جاساقتالماق. بۇل ٶنٸمدٸ سىرتقا شىعارۋ مٷمكٸندٸگٸ دە قاراستىرىلعان», - دەدٸ وبلىس ەكٸمٸ.
ونىڭ ايتۋىنشا, ٶڭٸردە جىلقىنىڭ, ٸرٸ قارا مال باسىنىڭ سانى كٶبەيٸپ كەلەدٸ. الايدا, قوي سانىنىڭ ازايعانى بايقالىپ وتىر.
