قازاقستان جازۋشىلار وداعىنىڭ تٶراعاسى, مەملەكەتتٸك سىيلىقتىڭ لاۋرەاتى, اقىن ۇلىقبەك ەسدەۋلەت پرەزيدەنت قاسىم-جومارت توقاەۆتىڭ جولداۋىندا ايتقان باستامالارعا پٸكٸر بٸلدٸردٸ, دەپ حابارلايدى قازاقپارات.
قالامگەردٸڭ ايتۋىنشا, مەملەكەت باسشىسىنىڭ بيىلعى جولداۋى قوعامداعى ٶزەكتٸ مەسەلەلەردٸ دٶپ باسىپ ايتۋىمەن ەرەكشەلەندٸ. ونىڭ ٸشٸندە مەدەنيەت, تٸل مەن ەدەبيەت تە بار.
«پرەزيدەنت ٶز جولداۋىندا بولاشاعىن وتانىمىزبەن بايلانىستىراتىن ەربٸر ازامات قازاق تٸلٸن ٷيرەنۋگە دەن قويۋى كەرەك دەدٸ. بۇل وتانشىلدىقتىڭ باستى بەلگٸسٸ دەپ قاداپ ايتتى. ول - اقيقات. سٷبەلٸ سٶز استارىنا ٷڭٸلسەك, ٷلكەن مەسەلە جاتىر. ٶكٸنٸشكە وراي, بٸزدە قىزمەتتە جٷرگەن, بيلٸكتە جٷرگەن ادامداردىڭ ٸشٸندە قازاق تٸلٸن ٷيرەنۋگە دەن قويماي جٷرگەندەر بارشىلىق. سوندىقتان مەنٸڭ ويىمشا, مەملەكەتتٸك تٸلدٸ ٷيرەنۋگە ىقپال ەتەتٸن امال-ەدٸس, تٸپتٸ مەحانيزم تەتٸگٸن تاۋىپ, قولدانۋ كەرەك. "مەملەكەتتٸك تٸلدٸ بٸلمەيتٸن تۇلعا مەملەكەتتٸك قىزمەتكە قابىلدانبايدى" دەگەن سيياقتى نەرسەلەردٸ ەنگٸزۋ كەرەك شىعار. سول كەزدە تٸلگە دەگەن قۇرمەت ارتا تٷسەدٸ دەپ ويلايمىن» - دەيدٸ اقىن.
سونداي-اق, جازۋشىلار وداعىنىڭ تٶراعاسى دارىندى جاستاردى قولداۋعا قاتىستى پٸكٸر بٸلدٸردٸ.
«پرەزيدەنت جاس ەرٸ دارىندى مٷسٸنشٸلەر, سۋرەتشٸلەر, تەاتر قىزمەتكەرلەرٸ, مۋزىكانتتار, قالامگەرلەر جاڭا جانر تٷرلەرٸن يگەرٸپ, ۇدايى ٸزدەنٸس ٷستٸندە جٷرەتٸنٸن باسا ايتتى. وسىنداي تالانتتى جاستاردىڭ تاسادا قالىپ قوياتىنى شىندىق. مەملەكەت باسشىسى تاپسىرعان مٸندەتتەر ورىندالسا, ەدەبيەت پەن مەدەنيەت سالاسى ودان ەرٸ ٸلگەرٸلەي تٷسەتٸنٸ سٶزسٸز», - دەيدٸ ول.
ۇلىقبەك ەسدەۋلەت پرەزيدەنت مەدەنيەت قىزمەتكەرلەرٸ, قورىقشىلار, كٸتاپحاناشىلار, كٶلٸك جٷرگٸزۋشٸلەردٸڭ جالاقىسىن 2022-2025 جىلدار ارالىعىندا 20 پايىزعا ارتتىرۋدى تاپسىرعانىن تٸلگە تيەك ەتتٸ.
«كٸتپاحاناشىلاردىڭ جالاقىسى ٶسەتٸن بولدى. كٸتاپحانا بۇل ٷلكەن سالا بٸلە-بٸلگەن ادامعا. كٸتاپحانا - بٸلٸم مەن عىلىم ورداسى. جازۋشىلاردىڭ تۋىندىسىن ساقتايتىن, ناسيحاتتايتىن ورىنداردىڭ بٸرٸ - كٸتاپحانا. شىعارمانى وقىرمانعا جەتكٸزۋشٸ ول - كٸتاپحاناشى. ولاردىڭ ەڭبەگٸن ەسكەرٸپ, جالاقىسىن كٶتەرۋ ٶتە دۇرىس», - دەدٸ سپيكەر.
