ۇلىبريتانييا كوروناۆيرۋس جۇقتىرۋ وقيعالارى سانى جاعىنان جاڭا انتيرەكورد ورناتتى, وندا ٷش ايدا ۆيرۋس جۇقتىرۋدىڭ ەڭ جوعارى سانى تٸركەلٸپ وتىر, دەپ حابارلايدى قازاقپارات Euronews اقپارات اگەنتتٸگٸنە سٸلتەمە جاساپ.
وسىلايشا, سانيتارلىق بيلٸك سوڭعى تەۋلٸكتە 45 مىڭ جاڭا وقيعا مەن 57 ٶلٸم وقيعاسى تۋرالى مەلٸمدەدٸ.
ماماندار وڭ نەتيجەنٸڭ ەڭ كٶپ بٶلٸگٸ جاسٶسپٸرٸمدەر اراسىندا انىقتالعانىن اتاپ ٶتتٸ.
قازٸرگٸ كەزدە ەلدە 12-15 جاس ارالىعىنداعى بالالاردى ۆاكتسينالاۋ باستالىپ جاتىر.
قاۋٸپتٸ ۆيرۋس جۇقتىرۋ كٶرسەتكٸشٸ رەسەيدە دە ٶسٸپ كەلەدٸ: ەلدە 34 مىڭنان استام ادام اۋرۋعا شالدىعىپ, بٸر مىڭعا جۋىعى ودان كٶز جۇمدى.
ۆيرۋستىڭ كەزەكتٸ تولقىنى كەزٸندە ەلدٸڭ دەنساۋلىق ساقتاۋ مينيسترلٸگٸ زەينەتكەر دەرٸگەرلەردەن جۇمىسقا ورالۋىن سۇرادى.
رۋمىنييادا اۋرۋ جۇقتىرۋ وقيعالارى سانىنىڭ ٶسٸمٸن ۇستاپ قالۋعا تىرىسىپ جاتىر: بۋحارەستە قوعامدىق ورىنداردا جٷرۋ ٷشٸن ارنايى سانيتارلىق ٶتكٸزۋ قاعازى قاجەت.
بٷگٸندە رۋمىنييا استاناسىندا ەربٸر بٸر مىڭ تۇرعىنعا شاققاندا 16 جاڭا وقيعا تٸركەلۋدە. ەل تۇرعىندارىنىڭ نەبەرٸ 27 پايىزى ەكپە سالدىرتقان.
ال يتالييادا سانيتارلىق ٶتكٸزۋ بەكەتتەرٸنٸڭ قويىلۋىنا قارسى نارازىلىق شارالارى جالعاسىپ كەلەدٸ.
ەندٸ ەل ازاماتتارى جۇمىس ورىندارىنا كٸرۋٸ ٷشٸن دە ارنايى ٶتكٸزۋ قاعازدارىن الۋى تيٸس.
دەمالىس كٷندەرٸ 300-گە جۋىق ادام يتالييانىڭ سولتٷستٸك-باتىسىنداعى گەنۋي كەمەجايىنىڭ كٸرەبەرٸسٸن بۇعاتتادى, تريەستا كەمەجايىندا جٷزدەگەن ادام جينالدى.
يتالييادا 5 ميلليونعا جۋىق جۇمىسكەر ۆاكتسينا الماعان: ولار قىزمەتتەن شىعارىلماسا دا, جۇمىسسىز جٷرگەنٸ ٷشٸن اقشا تٶلەنبەي وتىر.
