Ulybritaniia koronavirýs juqtyrý oqiǵalary sany jaǵynan jańa antirekord ornatty, onda úsh aida virýs juqtyrýdyń eń joǵary sany tirkelip otyr, dep habarlaidy QazAqparat Euronews aqparat agenttigine silteme jasap.
Osylaisha, sanitarlyq bilik sońǵy táýlikte 45 myń jańa oqiǵa men 57 ólim oqiǵasy týraly málimdedi.
Mamandar oń nátijeniń eń kóp bóligi jasóspirimder arasynda anyqtalǵanyn atap ótti.
Qazirgi kezde elde 12-15 jas aralyǵyndaǵy balalardy vaktsinalaý bastalyp jatyr.
Qaýipti virýs juqtyrý kórsetkishi Reseide de ósip keledi: elde 34 myńnan astam adam aýrýǵa shaldyǵyp, bir myńǵa jýyǵy odan kóz jumdy.
Virýstyń kezekti tolqyny kezinde eldiń densaýlyq saqtaý ministrligi zeinetker dárigerlerden jumysqa oralýyn surady.
Rýmyniiada aýrý juqtyrý oqiǵalary sanynyń ósimin ustap qalýǵa tyrysyp jatyr: Býhareste qoǵamdyq oryndarda júrý úshin arnaiy sanitarlyq ótkizý qaǵazy qajet.
Búginde Rýmyniia astanasynda árbir bir myń turǵynǵa shaqqanda 16 jańa oqiǵa tirkelýde. El turǵyndarynyń nebári 27 paiyzy ekpe saldyrtqan.
Al Italiiada sanitarlyq ótkizý beketteriniń qoiylýyna qarsy narazylyq sharalary jalǵasyp keledi.
Endi el azamattary jumys oryndaryna kirýi úshin de arnaiy ótkizý qaǵazdaryn alýy tiis.
Demalys kúnderi 300-ge jýyq adam Italiianyń soltústik-batysyndaǵy Genýi kemejaiynyń kireberisin buǵattady, Triesta kemejaiynda júzdegen adam jinaldy.
Italiiada 5 millionǵa jýyq jumysker vaktsina almaǵan: olar qyzmetten shyǵarylmasa da, jumyssyz júrgeni úshin aqsha tólenbei otyr.
