بٷگٸن قازاقستان رەسپۋبليكاسى ينۆەستيتسييالار جەنە دامۋ مينيسترٸ جەڭٸس قاسىمبەك ۇلىبريتانييا بٸرٸككەن كورولدٸگٸ مەن سولتٷستٸك يرلاندييانىڭ ساۋدا جەنە ينۆەستيتسييالار مينيسترٸ گرەگ حەندسپەن كەزدەستٸ, دەپ حابارلايدى مينيسترلٸكتٸڭ باسپاسٶز قىزمەتٸ.
كەزدەسۋ بارىسىندا الدا ٶتەتٸن ساۋدا-ەكونوميكالىق, عىلىمي-تەحنيكالىق, مەدەني ىنتىماقتاستىق جٶنٸندەگٸ قازاقستان-بريتان ٷكٸمەتارالىق كوميسسيياسىنىڭ 4 وتىرىسى تۋرالى, سونداي-اق قازاقستان مەن ۇلىبريتانييا اراسىنداعى ينۆەستيتسييا, تاۋ-كەن, اۋىل شارۋالىشىعى سيياقتى پەرسپەكتيۆالى باعىتتار بويىنشا سەرٸكتەستٸك ورناتۋ جايىن تالقىلادى. «مەن ەكٸ ەل اراسىنداعى قارىم-قاتىناستىڭ جىل سايىن نىعايىپ كەلە جاتقاندىعىن ەرەكشە اتاپ ٶتكٸم كەلەدٸ. ۇلىبريتانييا - بٸزدٸڭ ەۋروپاداعى ەڭ ٸرٸ ستراتەگييالىق سەرٸكتەستەرٸمٸزدٸڭ بٸرٸ», دەدٸ جەڭٸس قاسىمبەك.
Cونداي-اق, كەزدەسۋ بارىسىندا قىتاي-قازاقستان-ۇلىبريتانييا اراسىن بايلانىستىراتىن «ۇلى جٸبەك جولى» ەكونوميكالىق بەلدەۋٸن جٷزەگە اسىرۋدا بٸرلەسٸپ جۇمىس اتقارۋ ٷشٸن ٷشجاقتى كەلٸسٸم ورناتۋ مەسەلەسٸ دە سٶز بولدى.
بٷگٸندە قازاقستان تەرريتوريياسى ارقىلى قىتاي مەن ەۋروپانىڭ اراسىندا 15 ترانزيتتٸك كونتەينەرلٸك پويىز جٷرەدٸ. ٶتكەن جىلى «قىتاي-ەۋروپا-قىتاي» باعىتىنداعى ترانزيتتٸك كونتەينەرلەر تاسىمالى 104,5 مىڭعا جەتٸپ, 2015 جىلمەن سالىستىرعاندا ەكٸ ەسەگە ارتىپ وتىر (49,9 مىڭ كونتەينەر).
2017 جىلى چجەتسزيان (قحر) - لوندون (ۇلىبريتانييا) باعىتى بويىنشا العاشقى جٷك كونتەينەرلٸك پويىزى ٸسكە قوسىلدى. ەندٸگٸ رەتتە بۇل باعىت بويىنشا جٷكتٸ تۋرا 18 كٷن ٸشٸندە جەتكٸزەتٸن مٷمكٸندٸك تۋدى. بۇل جٷك كەمەسٸنە قاراعاندا قىزمەتٸن 30 كٷن ەرتە ورىندايدى.
بٷگٸندە ٷكٸمەتارالىق كوميسسييا اياسىندا بٸلٸم جەنە عىلىم, ەنەرگەتيكا, تاۋ-كەن ٶنەركەسٸبٸ باعىتتارى بويىنشا 4 جۇمىس توبى جۇمىس ٸستەيدٸ.
ۇلىبريتانييا - تاۋار اينالىمى بويىنشا قازاقستاننىڭ ەڭ ٸرٸ 10 سەرٸكتەسٸنٸڭ قاتارىنا كٸرەدٸ, سونداي-اق, قازاقستانعا ەڭ كٶپ ينۆەستيتسييا ەكەلەتٸن ٷزدٸك التى ەلدٸڭ قاتارىندا. ۇلىبريتانييا سوڭعى 12 جىل ٸشٸندە قازاقستانعا جالپى كٶلەمٸ 12,1 ملرد. اقش دوللارىن قۇرايتىن تٸكەلەي ينۆەستيتسييا ەكەلدٸ (2005 جىلدان 2017 جىلدىڭ بٸرٸنشٸ توقسانىنا دەيٸنگٸ كٶرسەتكٸش بويىنشا تٸكەلەي ينۆەستيتسييا كٶلەمٸ 12 278,2 ملن. اقش دوللارىن قۇرايدى). بۇل - قازاقستانعا تارتىلعان جالپى شەتەلدٸك ينۆەستيتسييانىڭ 5%.
انىقتاما ٷشٸن: 2017 جىلدىڭ قاڭتار-سەۋٸر ايلارى بويىنشا قازاقستان مەن ۇلىبريتانييا اراسىنداعى تاۋار اينالىمى 422,6 ملن. اقش دوللارىن قۇرادى. بۇل 2016 جىلدىڭ دەل وسى كەزەڭٸمەن سالىستىرعاندا 26,6%-عا جوعارى (333,7 ملن. اقش دوللارى).
