فوتو: "حابار" تەلەارناسى
كٷنٸ كەشە «حابار» تەلەارناسىندا مەجٸلٸس سايلاۋىنا قاتىسقالى جاتقان پارتييالاردىڭ تٶراعالارى اراسىندا دەبات ٶتكەن بولاتىن. سول پٸكٸرسايىستا «رەسپۋبليكا» پارتيياسىنىڭ تٶراعاسى ايداربەك قوجانازاروۆتىڭ حالىق مەدەنيەتٸ مەن ٷلكەندەر تۋرالى ايتقانى قوعامدا قىزۋ تالقىلانىپ جاتىر.
جاڭا پارتييانىڭ جەتەكشٸسٸ سٶز اراسىندا «حالىقتىڭ مەدەنيەتٸ جوق» جەنە «كەرٸ يتتٸ جاڭاشىلدىققا ٷيرەتە المايسىڭ» دەگەندٸ ايتىپ قالدى. بۇل سٶزدەر قاراپايىم حالىقتىڭ دا, قوعام مەن مەدەنيەت قايراتكەرلەرٸنٸڭ دە اشۋىن تۋعىزىپ وتىر.
مەسەلەن, بەلگٸلٸ جىرشى, قازاقستاننىڭ ەڭبەك سٸڭٸرگەن قايراتكەرٸ ۇلجان بايبوسىنوۆا دا قوجانازاروۆتىڭ وسىناۋ سٶزدەرٸنە قاتىستى ويىن اشىق ايتتى.
«ٶنەر مەن مەدەنيەتتٸ ەلەمگە ناسيحاتتاۋ بۇل كٷندە جىراۋلىق ٶنەردەگٸ ميسسييام رەتٸندە پاريجدٸڭ Theatre de la Ville Paris تەاترىنىڭ شاقىرۋىمەن كٷنٸ ەرتەڭ كونتسەرت بەرگەلٸ جاتىرمىن. بۇل - ەلەم مويىنداعان قازاق ٶنەرٸ مەن مەدەنيەتٸنٸڭ بٸر عانا كٶرٸنٸسٸ. ولاي بولسا قورقىت جەنە وعىز دەۋٸرٸنەن جەتكەن ۇلى مەدەنيەتتٸڭ ۇرپاعىن مەدەنيەتسٸز دەپ تانۋعا قالاي جول بەرمەكشٸمٸز!
ساق دەۋٸرٸنەن باستاۋ الاتىن ۇلى كٶشپەندٸلەر مەدەنيەتٸ جەنە سان عاسىرلىق تاريحى بار مەدەنيەت پەن ٶركەنيەتتٸڭ جاساۋشىلارى مەكەن ەتكەن ۇلى دالا ۇرپاقتارىن مەدەنيەتٸ جوق دەپ تانۋدى قالاي تٷسٸنەمٸز?» - دەپ جازدى ٶنەر يەسٸ ٶزٸنٸڭ Facebook-پاراقشاسىندا.
ۇلجان بايبوسىنوۆا «رەسپۋبليكالىقتاردى» جاڭا قازاقستان جاساۋدى اتا-بابا تاريحىنان جەتكەن قازاق دالاسىنداعى ەدٸلەتتٸلٸك پەن شىنشىلدىق ورناتۋ دەپ تٷسٸنۋگە شاقىردى.
