ەلباسى نەلٸكتەن تاريحقا دەن قويىپ, ۇلتتىڭ ٶتكەنٸن سارالايدى? «ۇلى دالانىڭ جەتٸ قىرى» ماقالاسىنىڭ تٷركٸ ەلەمٸندەگٸ ورىنى قانداي? مەملەكەت جەنە قوعام قايراتكەرٸ مىرزاتاي جولداسبەكوۆ وسى ساۋالدار تٶڭٸرەگٸندە جاۋاپ بەرە كەلە, ۇلى دالانىڭ ۇلى تۇلعالارىن ۇلىقتاۋ كەرەكتٸگٸن ايتتى, دەپ حابارلايدى قازاقپارات تٸلشٸسٸ.
«جالپى, ٶزدەرٸڭٸز بٸلەتٸندەي, ەلباسى قازاق تاريحىنا بۇرىننان مويىن بۇرعان ەدٸ. ەسٸرەسە, وعان تەرەڭ كەلگەن كەزٸ - كٶرشٸ مەملەكەتتٸڭ باسشىسى «قازاقتا مەملەكەت بولماعان, تاريح بولماعان» دەگەن سٶزدٸ ايتىپ جاتقان كەزدە بٸز قازاق حاندىعىنىڭ 550 جىلدىعىنا دايىندالىپ جاتتىق. ناقتى وسى 550 جىلدىق ٶتە مە, ٶتپەي مە دەپ ۋايىمداپ جٷرگەن كەزدە ەلباسى قاسيەتتٸ ۇلىتاۋدىڭ ەتەگٸندە مىڭبۇلاقتىڭ باسىندا قازاقپەن سىرلاسىپ, تەلەديدارعا سۇحبات بەرگەن ەدٸ. سوندا تالاي نەرسەنٸڭ باسى اشىلدى. سول جولى قازاق حاندىعىنىڭ 550 جىلدىعىن تويلاۋ تۋرالى شەشٸم قابىلداندى», - دەيدٸ مىرزاتاي جولداسبەكوۆ ۇلتتىق كٸتاپحانادا ٶتكەن جيىندا.
مەملەكەت جەنە قوعام قايراتكەرٸ سول جولى ەلباسى «قازاقتىڭ ەشكٸمنەن ۇيالمايتىن تاريحى بار» دەگەن سٶزدٸ ايتقانىن ەسكە الدى.
«ۇلى دالادا جەتٸ تٷگٸلٸ جەتپٸس قىرى بولۋى مٷمكٸن. بٸراق, مەملەكەت باسشىسى ەڭ نەگٸزگٸ دەگەن جەتٸ قىرىن الىپ وتىر. شىنتۋايتىنا كەلگەندە ۇلى دالادا ورىن العان دٷنيە جٷزٸ بٸلەتٸن مەملەكەتتەردٸڭ, مەسەلەن ٷيسٸن مەملەكەتٸ, قاڭلى مەملەكەتٸ, ساق پەن عۇن مەملەكەتتەرٸ, تٷرٸك قاعاناتى, دەشتٸ قىپشاق, التىن وردا جەنە قازاق حاندىعىنىڭ بەرٸ ۇلى دالادا ورناعان مەملەكەتتەر. ول حاندىقتاردى شەتتەن كەلٸپ ەشكٸم ورناتىپ بەرگەن جوق. قازاق دالاسىنداعى قاسيەتتٸ ەسكەرتكٸشتەردٸڭ بەرٸن دە ورناتقان بٸزدٸڭ بابالارىمىز. بٸزدٸڭ بابالارىمىز ەشكٸمنەن كەم بولماعان. التىن تاقتا, التىن سارايدا وتىرعان, التىننان كيٸنگەن. مۇنداي تاريح دٷنيە جٷزٸندە جوق», - دەيدٸ قوعام قايراتكەرٸ.
مىرزاتاي جولداسبەكوۆ ٶز سٶزٸندە قازاق حالقى بوداندىق ەزگٸنٸڭ سالدارىنان بەرٸنەن دە ايىرىلا جازداعانىن تٸلگە تيەك ەتتٸ.
«بارىمىزدان, قاسيەتٸمٸزدەن, ۇلتتىق جادىمىز بەن تاريحىمىزدان ايىرىلا جازدادىق. بودان بولعان ۋاقىتتا بٸزدٸ اقىماق دەپ ەسەپتەدٸ. بٸراق, شىندىعىنا كەلگەندەر ەلەمدٸك مەدەنيەتتەردٸ جاساعان - وسى ۇلى دالانى مەكەندەگەن حالىقتار. ماقالانىڭ ٸشٸندە بەرٸمٸزدٸڭ كٶكەيٸمٸزدەن شىققان تاراۋلار ٶتە كٶپ. سولاردىڭ بٸرٸ - قازاقستان تٷركٸ ەلەمٸنٸڭ التىن بەسٸگٸ دەيدٸ. شىعىس قازاقستاندا وسى جىلى «التاي - تٷركٸ ەلەمٸنٸڭ التىن بەسٸگٸ» اتتى كونفەرەنتسييا ٶتتٸ. سول شارادا «حالىقتى وياتۋ ٷشٸن تاريحتى وياتۋ» كەرەك دەگەن مەنٸڭ سٶزٸم جازىلعان ەكەن. بٸزدٸڭ ەلباسىمىز وسىنى قولعا الىپ جاتىر», - دەيدٸ مىرزاتاي جولداسبەكوۆ.
مىرزاتاي جولداسبەكوۆ سٶزٸن جالعاستىرا كەلە قازاق تاريحىنداعى تۇلعالارعا ەرەكشە مەن بەرۋ كەرەكتٸگٸن ايتتى.
«ۇلى ەسٸمدەردٸ ۇلىقتاعىمىز كەلسە, مەنٸڭ ويىمشا, قورقىتتىڭ رۋحىن جاڭعىرتۋىمىز كەرەك. ارىستانبەك (مۇحامەديۇلىنا قاراتا - اۆت.), قورقىت وسى جەردە تۋعان, قورقىت وسى جەردە جاتىر. بٷكٸل ٶنەرٸن وسى قازاق دالاسىندا - ۇلى دالاعا تٶككەن ادام. كٶسەم دە جىراۋ دا بولعان ادام. بٸز قورقىتتاي بابامەن ماقتانا بٸلۋٸمٸز كەرەك. قورقىت - تٷركٸ حالىقتارىنىڭ باباسى. قۇداي قالاسا, قورقىتتىڭ باسىنا بٷكٸل پرەزيدەنتتەردٸ جيناپ, تٷنەتٸپ, مەيمانحاناسىن جٶندەپ قويسا بولار ەدٸ. تٷركٸستاندا ٷلكەن توي جاساپ, جىلىنا بٸر رەت ناۋرىزدا جيىن جاساپ وتىرساق, تٷركٸ بالاسىنىڭ باسى بٸر بولادى. وسىنداي ماقالا جازعان, حالقىنىڭ قامىن ويلاعان ەلباسىنا بٷكٸل حالىقتىڭ اتىنان, بٸز سەكٸلدٸ اعالاردىڭ اتىنان مىڭ العىس», - دەدٸ مىرزاتاي جولداسبەكوۆ.
.jpeg)