ٶتكەن دەمالىس كٷندەرٸ تارازدا ۇلتتىق ۇلان ساربازدارى قالادا جان-جاعىنا پىشاق سٸلتەپ, جۇرتتىڭ مازاسىن العان بۇزاقىنى ۇستادى, دەپ حابارلايدى "ۇلت اقپارات" «وڭتٷستٸك» ٶڭٸرلٸك قولباسشىلىعىنىڭ باسپاسٶز قىزمەتٸنە سٸلتەمە جاساپ.
وقيعا 8 تامىزدا بولعان. قوعامدىق تەرتٸپ پەن قاۋٸپسٸزدٸكتٸ كٷزەتۋ بويىنشا پاترۋلدە جٷرگەن ۇلتتىق ۇلاننىڭ 5513 ەسكەري بٶلٸمٸنٸڭ ەسكەري جاساعى نيەتقاليەۆ كٶشەسٸنەن جٷرٸسٸ كٷدٸك تۋدىرعان ەر ادامدى بايقايدى. تەرتٸپ ساقشىلارىن بايقاعان كٷدٸكتٸ قاشا جٶنەلدٸ. ەسكەري جاساق بويىنشا كەزەكشٸ اعا لەيتەنانت سانات حالماقان پاترۋلدەرمەن بٸرگە كٷدٸكتٸنٸڭ سوڭىنا تٷسەدٸ.
«بٸز قالا تۇرعىنىنىڭ ەرەكەتٸنەن كٷدٸكتەنگەن سوڭ بٸردەن سوعان قاراي باردىق. ول بٸزدەن قاشىپ بارىپ, كٶشەنٸڭ قيىلىسىنا توقتاپ, قالتاسىنان پىشاق شىعارىپ جان-جاعىنا رەتسٸز سٸلتەي باستادى. ٶزٸنە ەشكٸمنٸڭ جاقىنداماۋىن تالاپ ەتٸپ ايقايلادى. بٸز دەرەۋ ول ازاماتتى قولعا تٷسٸرۋ ٷشٸن ەرەكەت جاسادىق, سەبەبٸ ول اينالاسىنا قاۋٸپ تٶندٸردٸ. جەكپە-جەك ۇرىسىنىڭ ەدٸستەرٸن پايدالانۋ ارقىلى بٸز ونى ۇستادىق», - دەيدٸ قاتارداعى جاۋىنگەر مەرەي ٶتەلباەۆ.
كٷدٸكتٸنٸ ۇستاعان جەرگە تاراز قالاسىنىڭ پوليتسييا باسقارماسىنان جەدەل-تەرگەۋ توبى شاقىرىلدى. ۇستالعان ادام تاراز قالاسىنىڭ بۇرىن سوتتالعان 26 جاستاعى تۇرعىنى ەكەنٸ انىقتالدى.
