اقتٶبە قالاسىندا 18 قىركٷيەكتە باستالعان كٶكپار دوداسى ٶز مەرەسٸنە جەتتٸ, دەپ حابارلايدى "ۇلت اقپارات".
فەستيۆالگە قاتىسقان ەلٸمٸزدٸڭ 12 كٶكپار كومانداسى اراسىنان ٷزدٸك شىققان تٶرت كوماندا تاڭەرتەڭنەن باستاپ جٷلدەلٸ ورىنداردى ساراپقا سالدى. سولتٷستٸك قازاقستان وبلىسى مەن اقتٶبە وبلىسى كوماندالارى اراسىنداعى بەسەكە 3:2 ەسەبٸمەن اياقتالىپ, اقتٶبەلٸك كٶكپارشىلار قولا جٷلدەگە قول جەتكٸزدٸ.
ال, فينالدىق ويىندا قر ەڭبەك سٸڭٸرگەن جاتتىقتىرۋشىسى نۇردەۋلەت مومىنوۆتىڭ شەكٸرتتەرٸ فەستيۆالدەگٸ كٶكپار بەسەكەسٸنٸڭ باس جٷلدەسٸن قانجىعاعا بايلادى. «ەۋليە-اتا» (جامبىل وبلىسى) مەن «قۇلاگەر» (تٷركٸستان وبلىسى) اراسىنداعى اقتىق ويىن 3:1 ەسەبٸمەن اياقتالدى.
ەسكە سالا ٶتەلٸك, «ەۋليە-اتا» كومانداسى «قۇلاگەر» كومانداسىنان بيىلدىققا ەكٸنشٸ رەت باسىم تٷستٸ.
1 ورىن – جامبىل وبلىسىنىڭ «ەۋليە-اتا» كٶكپار كومانداسى
2 ورىن – تٷركٸستان وبلىسىنىڭ «قۇلاگەر» كٶكپار كومانداسى
3 ورىن – اقتٶبە وبلىسىنىڭ كٶكپار كومانداسى.
