Aqtóbe qalasynda 18 qyrkúiekte bastalǵan kókpar dodasy óz máresine jetti, dep habarlaidy "Ult aqparat".
Festivalge qatysqan elimizdiń 12 kókpar komandasy arasynan úzdik shyqqan tórt komanda tańerteńnen bastap júldeli oryndardy sarapqa saldy. Soltústik Qazaqstan oblysy men Aqtóbe oblysy komandalary arasyndaǵy báseke 3:2 esebimen aiaqtalyp, aqtóbelik kókparshylar qola júldege qol jetkizdi.
Al, finaldyq oiynda QR Eńbek sińirgen jattyqtyrýshysy Nurdáýlet Momynovtyń shákirtteri festivaldegi kókpar básekesiniń bas júldesin qanjyǵaǵa bailady. «Áýlie-ata» (Jambyl oblysy) men «Qulager» (Túrkistan oblysy) arasyndaǵy aqtyq oiyn 3:1 esebimen aiaqtaldy.
Eske sala ótelik, «Áýlie-ata» komandasy «Qulager» komandasynan biyldyqqa ekinshi ret basym tústi.
1 oryn – Jambyl oblysynyń «Áýlie-ata» kókpar komandasy
2 oryn – Túrkistan oblysynyń «Qulager» kókpar komandasy
3 oryn – Aqtóbe oblysynyń kókpar komandasy.
