ەلٸمٸزدٸڭ بٸرقاتار قالاسى مەن اۋداندارىندا ٷيلەردٸ ارالاۋ جۇمىستارى اياقتالدى. بۇل تۋرالى قازاقپارات ۇلتتىق ستاتيستيكا بيۋروسىنىڭ باسپاسٶز قىزمەتٸنە سٸلتەمە جاساپ حابارلايدى.
وبلىس ورتالىقتارىنىڭ ٸشٸندە تٷركٸستان قالاسىندا بٸرٸنشٸ بولىپ حالىق ساناعى اياسىندا ٷيلەردٸ ارالاۋ جۇمىستارى اياقتالعان. مۇندا 220 553 رەسپوندەنت ساۋالنامادان ٶتتٸ نەمەسە قامتۋ كٶرسەتكٸشٸ 118%-ٸ قۇراعان.
ٶڭٸردە سونداي-اق, كەنتاۋ مەن ارىس قالالارى دا ساناق اياسىنداعى ساۋالناما جۇمىستارىن تەمامدادى.
الماتى وبلىسىنىڭ تەكەلٸ قالاسى دا ساۋال سالۋ شارالارىن اياقتاعان ەلدٸ مەكەندەردٸڭ قاتارىنا ەندٸ. مۇندا رەسپوندەنتتەر سانى 29 509 (100,1%) ادامدى قۇراعان. قاراعاندى وبلىسىنىڭ نۇرا اۋدانى دا ساۋالناما جٷرگٸزۋ كەزەڭٸن اياقتاپ, رەسپوندەنتتەر سانىن شىعارعان. ولاردىڭ قاتارى 21 837 نەمەسە 1 تامىزداعى جاعداي بويىنشا حالىق سانىنىڭ 99,4%-ٸن قۇرادى.
ال قىزىلوردا وبلىسىنداعى بايقوڭىر قالاسى مەن بارلىق اۋداندار (ارال, جالاعاش, جاڭاقورعان, قازالى, قارماقشى, سىردارييا, شيەلٸ) ساناق اياسىندا ساۋالناما جٷرگٸزۋ شارالارىن اياقتاعان. بايقوڭىردا 1 تامىزداعى دەرەككە سەيكەس, حالقىنىڭ سانى 39548 ادامدى قۇراسا, ساۋال سالۋ نەتيجەسٸندە 39 622-گە (100,2%) جەتكەنٸ بەلگٸلٸ بولدى.
ساۋالناما كەزەڭٸن اياقتاعان ەلدٸ مەكەندەردە ناقتىلاۋ شارالارى قوسىمشا جٷرگٸزٸلەتٸن بولادى.
28 قازانداعى جاعداي بويىنشا حالىقتى ساناقپەن قامتۋ كٶرسەتكٸشٸ 18 663 838 ادامعا نەمەسە 98,1%-كە جەتتٸ.
قامتۋ كٶرسەتكٸشٸ بويىنشا الماتى قالاسى كٶش باسىندا – 108,9%. ياعني, 1 تامىزداعى جاعداي بويىنشا مەگاپوليستە تۇراقتى تۇراتىنداردىڭ سانى 2 005 496 ادامدى قۇراعان. ونلاين ساناق پەن ينتەرۆيۋەرلەر جٷرگٸزگەن ساۋالنامانىڭ ارالىق نەتيجەلەرٸ قازٸرگٸ ۋاقىتتا قالادا 2 183 534 رەسپوندەنت بار ەكەنٸن كٶرسەتتٸ. ساۋال سالۋ جۇمىستارى ەلٸ دە جالعاسۋدا.
وسىعان ۇقساس جاعداي جامبىل (102,2%), الماتى (102,1%), تٷركٸستان (101,5%), شىعىس قازاقستان (101,1%) وبلىستارى مەن شىمكەنت (101,4%) قالاسىندا قالىپتاستى. بۇل ٶڭٸرلەردە دە ساناق جۇمىستارى اياقتالعان جوق.
2021 جىلعى ۇلتتىق ساناقتىڭ نەگٸزگٸ كەزەڭٸ قازاقستاندا 1 قىركٷيەكتەن 30 قازانعا دەيٸن ٶتۋدە. قاراشانىڭ 8-نە دەيٸن ساناق ٶتكٸزۋ ەدٸستەمەسٸنە سەيكەس, ناقتىلاۋ شارالارى قاراستىرىلعان.
