ۇلى ابايدىڭ 175 جىلدىعىنا وراي, ۇلتتىق مۋزەي الاڭىندا اقىننىڭ بەينەسٸ ستريت-ارت ستيلٸندە سالىندى, دەپ حابارلايدى قازاقپارات.
20 شارشى مەتر بولاتىن جاڭا سۋرەتتٸ مۋزەي قابىرعاسىندا قازاق ۇلتتىق ٶنەر ۋنيۆەرسيتەتٸنٸڭ ستۋدەنتتەرٸ, رەسپۋبليكالىق جەنە حالىقارالىق بايقاۋ جەڭٸمپازدارى رايىمبەك سەكەنوۆ پەن ايدوس شەكەر سالعان.
«ۇزاق پاندەمييادان كەيٸن بٸزدٸڭ مۋزەيٸمٸز قايدا جانداندى. سونىڭ بٸر كٶرٸنٸسٸ – بٷگٸن اشىق الاڭداعى ۇيىمداستىرىلعان ستريت-ارت پەرفومانسىنا جينالىپ وتىرمىز. ٶزدەرٸڭٸزگە بەلگٸلٸ, بيىل ۇلى اقىن ابايدىڭ 175 جىلدىعى اتالىپ ٶتەدٸ. ونىڭ قالدىرعان مۇراسىن ناسيحاتتاۋدا بارلىق قۇرالداردى پايدالانعىمىز كەلەدٸ. سونىڭ بٸرٸ – قالالىق ٶنەر, ياعني ستريت-ارت.
سوندىقتان, ابايدىڭ مۇراسىن تەك قانا كٶرمە الاڭدارىندا ەمەس, مۋزەيدەن تىسقارى جەردە دە ناسيحاتتاۋ جاستارعا ونىڭ مۇراسىن وقىپ-بٸلۋگە قىزىعۋشىلىق تۋدىرارىنا سەنٸمٸمٸز مول. جالپى ستريت-ارت ٶنەرٸ ەلەمدە, ەلٸمٸزدە بار دٷنيە. بٸراق بٸز ۇلتتىق مۋزەيدٸڭ سىرتقى الاڭىن العاش رەت پايدالانىپ وتىرمىز جەنە العاشقىسىن ابايعا ارناپ وتىرمىز», - دەدٸ قر ۇلتتىق مۋزەيٸ ديرەكتورىنىڭ ورىنباسارى ايبار قاسەنالين ۇلتتىق مۋزەيدە ٶتكەن تۇساۋكەسەردە.
ٶز كەزەگٸندە سۋرەتشٸلەر مۋرالدى سالۋعا بٸر كٷن جەتكٸلٸكتٸ ەكەنٸن ايتتى. ولار ابايدىڭ جان دٷنيەسٸن, ٸشكٸ تولعانىستارىن كٶرسەتۋ ٷشٸن قويۋ قانىق تٷستەردٸ كٶبٸرەك قولدانعان.
«مەن نۇر-سۇلتان مەن الماتى كٶشەلەرٸندەگٸ 50-دەن استام نىساندا سۋرەت سالدىم. ستريت-ارت ٶنەر تٷرٸ رەتٸندە اقش-تا پايدا بولدى, سودان كەيٸن ەۋروپادا دامىدى. سوڭعى كەزدەرٸ بٸزدٸڭ ەلدە دە, ەسٸرەسە نۇر-سۇلتان, الماتى, شىمكەنت سىندى ٸرٸ قالالاردا كەڭٸنەن تاراپ كەلەدٸ. سوڭعى 5 جىلدا تٷرلٸ مۋرال-فەستيۆالدەر ۇيىمداستىرىلادى. بٷگٸنگٸ اباي بەينەسٸ ۇلتتىق مۋزەي قابىرعاسىنا 13,5 شارشى مەتر اۋماققا (4,5*3) سالىنادى. بۇل – ۇلتتىق مۋزەي مەن سۋرەتشٸلەردٸڭ ورتاق باستاماسى. شامامەن 9-10 ساعاتتا سالىپ بٸتٸرەمٸز», - دەدٸ سۋرەتشٸ.
