ۇلتتىق قوعامدىق سەنٸم كەڭەسٸنٸڭ قۇرىلۋى ەلٸمٸزدە ازاماتتىق قوعامدى دامىتۋ جولىندا جاسالعان ناقتى قادام. بۇل تۋرالى دەموكراتييالىق كٷشتەردٸڭ «قازاقستان-2050» جالپىۇلتتىق كواليتسيياسىنىڭ وتىرىسىندا «Nur Otan» پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆ مەلٸم ەتتٸ, دەپ حابارلايدى قازاقپارات تٸلشٸسٸ.
«9 ماۋسىمدا ٶتكەن پرەزيدەنتتٸك سايلاۋدا قازاقستاندىقتاردىڭ باسىم بٶلٸگٸ ٶز داۋىستارىن قاسىم-جومارت توقاەۆقا بەرٸپ, ەلباسىمىزدىڭ ستراتەگييالىق ساياساتىنىڭ ساباقتاستىعى مەن ەلٸمٸزدٸڭ تۇراقتى دامۋىن تاڭدادى. 12 ماۋسىمدا قاسىم-جومارت كەمەلۇلى قازاقستان حالقىنا انت بەرٸپ, رەسمي تٷردە قىزمەتٸنە كٸرٸستٸ. سونىڭ نەتيجەسٸندە, قازاقستاندا جوعارى بيلٸكتٸڭ اۋىسۋى ەلٸمٸزدٸڭ بارلىق زاڭىنا سەيكەس جٷرگٸزٸلدٸ, بۇل قازاقستاننىڭ ٸشكٸ تۇراقتىلىعىن قامتاماسىز ەتەتٸن نەگٸزگٸ فاكتور دەپ قابىلدايمىز. كەشە مەملەكەت باسشىسى ۇلىقتاۋ رەسٸمٸندە بيلٸك پەن قوعامنىڭ الدىندا تۇرعان ەڭ نەگٸزگٸ ماقساتتارعا توقتالىپ ٶتتٸ. ولاردىڭ جٷزەگە اسىرىلۋى حالىقتىڭ ەل-اۋقاتىن ەرٸ قاراي ارتتىرىپ, ەكونوميكالىق جەنە ساياسي جٷيەمٸزدٸڭ دامۋىنا تىڭ سەرپٸن بەرەتٸنٸ سٶزسٸز. سونىمەن قاتار, قاسىم-جومارت توقاەۆ بيلٸك پەن ازاماتتىق قوعامنىڭ اراسىنداعى ديالوگتى ەرٸ قاراي دامىتۋ كەرەكتٸگٸنە دە ەرەكشە نازار اۋداردى», - دەدٸ م. ەشٸمباەۆ.
بۇل تۇرعىدا «Nur Otan» پارتيياسى تٶراعاسىنىڭ بٸرٸنشٸ ورىنباسارى جاڭادان قۇرىلعان ۇلتتىق قوعامدىق سەنٸم كەڭەسٸنە قاتىستى پٸكٸر بٸلدٸردٸ.
«پرەزيدەنت جارلىعىمەن ۇلتتىق قوعامدىق سەنٸم كەڭەسٸ قۇرىلدى. بۇل ەلٸمٸزدە ازاماتتىق قوعامدى دامىتۋ جولىندا جاسالعان ناقتى قادام. مەملەكەت باسشىسى اتاپ ٶتكەندەي, بٸرتۇتاس ەل بولىپ قالۋ - بٸزدٸڭ باستى باعدارىمىز. جۇدىرىقتاي جۇمىلىپ, قوعامنىڭ بارلىق ٶكٸلدەرٸن, سونىڭ ٸشٸندە جاستاردى دا ديالوگقا شاقىرىپ, بٸرٸگٸپ ەرەكەت ەتسەك قانا كٶزدەگەن ماقساتتارىمىزعا قول جەتكٸزەتٸنٸمٸز انىق. ۇلتتىق قوعامدىق سەنٸم كەڭەسٸ ازاماتتىق قوعامنىڭ دامۋىنا تىڭ بەرٸپ قانا قويماي, جاڭعىرۋ مەن رەفورمالاردىڭ تىڭ ٶزەگٸنە دە اينالادى دەپ ويلايمىز. ميلليونداعان قازاقستاندىقتاردىڭ پٸكٸر مەن كٶزقاراسىن بٸلدٸرەتٸن دەموكراتييالىق كٷشتەردٸڭ جالپىۇلتتىق كواليتسيياسى وسىنداي ماڭىزدى كەزەڭدە ەلباسى ساياساتىنىڭ ساباقتاستىعىن قامتاماسىز ەتٸپ, پرەزيدەنتٸمٸزدٸڭ ەلٸمٸزدٸڭ الدىنا قويىپ وتىرعان ماقساتتارىنا جەتۋٸمٸزگە ٶزٸنٸڭ لايىقتى ٷلەسٸن قوسادى دەپ سەنەمٸز», - دەدٸ مەۋلەن ەشٸمباەۆ كواليتسييا وتىرىسىندا.
اتاپ ايتقاندا, بٷگٸنگٸ وتىرىس بارىسىندا دەموكراتييالىق كٷشتەردٸڭ «قازاقستان-2050» جالپىۇلتتىق كواليتسيياسى پرەزيدەنتتٸك سايلاۋدىڭ نەتيجەلەرٸن قولدادى.
