ۇلتتىق قاۋٸپسٸزدٸك كوميتەتٸ ۆەدومستۆو تٶراعاسىنىڭ بٸرٸنشٸ ورىنباسارى سامات ەبٸشكە قاتىستى سۇراققا جاۋاپ بەردٸ, دەپ حابارلايدى "ۇلت اقپارات".
"كەلٸپ تٷسكەن سۇراۋلارعا سەيكەس, ۇلتتىق قاۋٸپسٸزدٸك كوميتەتٸ تٶراعاسىنىڭ بٸرٸنشٸ ورىنباسارى سامات ەبٸش ٶز قىزمەتٸندە ەكەنٸن حابارلايمىز. 13 قاڭتاردان باستاپ ول جىل سايىنعى ەڭبەك دەمالىسىندا", - دەلٸنگەن رەسمي حابارلامادا.
ەستەرٸڭٸزگە سالا كەتەيٸك, 6 قاڭتاردا ۇلتتىق قاۋٸپسٸزدٸك كوميتەتٸنٸڭ باسشىسى كەرٸم مەسٸموۆ "مەملەكەتكە وپاسىزدىق جاسادى" دەگەن كٷدٸكپەن قاماۋعا الىندى. ال, 13 قاڭتاردا ۇقك تٶراعاسىنىڭ بۇرىنعى ورىنباسارى - "ا" ارنايى ماقساتتاعى قىزمەت باستىعى ەنۋار سادىقۇلوۆ پەن ۇقك تٶراعاسىنىڭ بۇرىنعى ورىنباسارى دەۋلەت ەرعوجيننٸڭ ۇستالعانى حابارلاندى.
ايتا كەتەيٸك, 43 جاستاعى سامات ەبٸش - نۇرسۇلتان نازارباەۆتىڭ ٸنٸسٸ ساتىبالدى نازارباەۆتىڭ ۇلى. سامات ەبٸش ۇقق بٸرٸنشٸ ورىنباسارى بولىپ 2015 جىلدان بەرٸ قىزمەت ەتەدٸ. گەنەرال-لەيتەنانت شەنٸ بار.
