Ulttyq qaýipsizdik komiteti vedomstvo tóraǵasynyń birinshi orynbasary Samat Ábishke qatysty suraqqa jaýap berdi, dep habarlaidy "Ult aqparat".
"Kelip túsken suraýlarǵa sáikes, Ulttyq qaýipsizdik komiteti tóraǵasynyń birinshi orynbasary Samat Ábish óz qyzmetinde ekenin habarlaimyz. 13 qańtardan bastap ol jyl saiynǵy eńbek demalysynda", - delingen resmi habarlamada.
Esterińizge sala keteiik, 6 qańtarda Ulttyq qaýipsizdik komitetiniń basshysy Kárim Másimov "memleketke opasyzdyq jasady" degen kúdikpen qamaýǵa alyndy. Al, 13 qańtarda UQK tóraǵasynyń burynǵy orynbasary - "A" arnaiy maqsattaǵy qyzmet bastyǵy Ánýar Sadyqulov pen UQK tóraǵasynyń burynǵy orynbasary Dáýlet Erǵojinniń ustalǵany habarlandy.
Aita keteiik, 43 jastaǵy Samat Ábish - Nursultan Nazarbaevtyń inisi Satybaldy Nazarbaevtyń uly. Samat Ábish UQQ birinshi orynbasary bolyp 2015 jyldan beri qyzmet etedi. General-leitenant sheni bar.
