قر ۇلتتىق ەكونوميكا مينيسترٸ رۋسلان دەلەنوۆ ٶزٸ باسقارىپ وتىرعان ۆەدومستۆوعا مەدينا ەبٸلقاسىموۆانىڭ كەلۋٸنە قاتىستى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«بارلىق ۆيتسە-مينيسترلەر ٷكٸمەت شەشٸمٸمەن تاعايىندالادى. مەدينا ەبٸلقاسىموۆا وسىعان دەيٸن ۇلتتىق ەكونوميكا مينيسترلٸگٸندە قىزمەت ەتكەن بولاتىن, ياعني حالىقارالىق بلوكپەن اينالىستى. ەندٸ جاڭا قىزمەتٸندە دە وسى باعىتقا جاۋاپتى بولادى. مەنٸڭ الدىما بٸرقاتار مٸندەتتەر (ٷكٸمەت تاراپىنان - اۆت.) قويىلدى, سەيكەسٸنشە جۇمىستىڭ جەمٸستٸ بولۋى ٷشٸن ٶزٸمنٸڭ ورىنباسارلارىمنان تالاپ ەتەمٸن. بٷگٸندە مەنٸڭ بەس ورىنباسارىم بار», - دەدٸ ر. دەلەنوۆ مەجٸلٸستٸڭ جالپى وتىرىسىنان كەيٸن تٸلشٸلەر ساۋالىنا جاۋاپ بەرە وتىرىپ.
سونىمەن قاتار, مينيستر ۋاقىتتىڭ تىعىزدىعىنان جاڭا تاعايىنداۋعا بايلانىستى ەلەۋمەتتٸك جەلٸدەگٸ پٸكٸرلەرگە قاراۋدىڭ رەتٸ بولماعانىن ايتتى.
«مەن قاراماعىمداعى ادامداردان جۇمىستىڭ ورىندالۋىن تالاپ ەتەمٸن. ولاردىڭ ەڭبەكاقىسى ارنايى كەستەمەن رەتتەلەدٸ, ۆيتسە-مينيستردٸڭ ەڭبەكاقىسى مينيسترگە قاراعاندا تٶمەندەۋ», - دەدٸ رۋسلان دەلەنوۆ.
بۇدان بۇرىن حابارلانعانداي, قر ٷكٸمەتٸنٸڭ قاۋلىسىمەن مەدينا ەراسىلقىزى ەبٸلقاسىموۆا قر ۇلتتىق ەكونوميكا بٸرٸنشٸ ۆيتسە-مينيسترٸ بولىپ تاعايىندالدى.
وسىعان دەيٸن ول قر ەڭبەك جەنە حالىقتى ەلەۋمەتتٸك قورعاۋ مينيسترٸ لاۋازىمىندا بولعان ەدٸ.
