سىبايلاس جەمقورلىققا قارسى ٸس-قيمىل ۇلتتىق بيۋروسىنىڭ قىزمەتكەرلەرٸ قىرعىزستانمەن شەكارادا بٸر توپ ادامدى ۇستادى, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ ۇلتتىق بيۋروسىنىڭ جامبىل وبلىسى بويىنشا دەپارتامەنتٸمەن قىرعىزستان جەنە قازاقستان رەسپۋبليكاسىنىڭ مەملەكەتتٸك شەكاراسى ارقىلى ٸرٸ قارا مالدارىن زاڭسىز تاسىمالداۋ توقتاتىلعانى ايتىلادى.
بۇل ٸس-شارا ۇقك ەسكەري قارسى بارلاۋ بٶلٸمٸنٸڭ, جامبىل وبلىسى ٸٸد-نٸڭ ۇيىمداسقان قىلمىسپەن كٷرەس باسقارماسىنىڭ جەنە "ارلان" ارنايى بٶلٸمشەسٸنٸڭ كٷشتەرٸن تارتۋمەن ٶتكٸزٸلدٸ.
"مەركٸ اۋدانىنىڭ كەيبٸر تۇرعىندارى قىرعىزستان رەسپۋبليكاسىندا ۇرلانعان مالداردى قازاقستاندا ساتۋ ٷشٸن مەملەكەتتٸك شەكارانى ٶتكٸزۋ پۋنكتتەرٸنەن تىس جەردەن زاڭسىز كەسٸپ ٶتەتٸندەرٸ انىقتالدى. اعىمداعى جىلدىڭ 1 سەۋٸرٸندە تٷنگٸ ۋاقىتتا ۇيىمداستىرىلعان ٸس-شارانىڭ نەتيجەسٸندە مەركٸ اۋداننىڭ تۇرعىندارى 13 باس ٸرٸ قارا مالىن شەكارادان كەدەرگٸسٸز ٶتكٸزۋدٸ قامتاماسىز ەتۋٸ ٷشٸن شەكارا قىزمەتشٸسٸنە پارا بەرگەندەرٸ رەسٸمدەلدٸ", - دەلٸنگەن حابارلامادا.
پارا بەرۋشٸلەردٸڭ تاپسىرماسى بويىنشا قىرعىزستان اۋماعىنان مەملەكەتتٸك شەكارانى زاڭسىز كەسٸپ ٶتٸپ, زاڭسىز جولمەن مال باسىن ٶتكٸزگەندەرٸ ٷشٸن شەكارا بەكەتٸنٸڭ اۋماعىندا قازاقستاندىق تٶرت ازامات ۇستالدى. "سونىمەن قاتار, بٸر مەزگٸلدە پارا بەرۋ دەرەگٸ بويىنشا كٷدٸكپەن پارا بەرۋشٸ ەكٸ ازامات ۇستالدى.
قازٸرگٸ تاڭدا وسى تۇلعالارعا قاتىستى "كەپٸل" تٷرٸندەگٸ بۇلتارتپاۋ شاراسى قولدانىلدى. مەملەكەتتiك شەكارانى زاڭسىز كەسٸپ ٶتۋ دەرەگٸ بويىنشا ماتەريالدار جەكە ٶندٸرٸسكە بٶلٸنٸپ, تەرگەۋ رەتتٸلٸگٸ بويىنشا جٸبەرٸلەدٸ", - دەپ حابارلادى ۆەدومستۆونىڭ باسپاسٶز قىزمەتٸ.
