قازاقستان ۇلتتىق بانكٸ تٶراعاسىنىڭ ورىنباسارى ولەگ سمولياكوۆ "تسەسنابانك" اق-تىڭ قارجىلىق تۇراقتىلىعىنا بايلانىستى تٷسٸنٸكتەمە بەردٸ, دەپ حابارلايدى "ۇلت اقپارات" ۇلتتىق بانكتٸڭ باسپاسٶز قىزمەتٸنە سٸلتەمە جاساپ.
«ٷكٸمەت پەن قازاقستان ۇلتتىق بانكٸ ٸسكە اسىرعان شارالار كەشەنٸ جەنە «تسەسنابانك» اق-قا جاڭا ينۆەستور تارتۋ «تسەسنابانك» اق-تى قالىپقا كەلتٸرۋگە مٷمكٸندٸك بەردٸ. قازٸرگٸ ۋاقىتتا بانكتە قازاقستان ۇلتتىق بانكٸنٸڭ ەڭ تٶمەنگٸ تالاپتارىنان اساتىن كاپيتالداندىرۋ جەنە ٶتٸمدٸلٸك كٶرسەتكٸشتەرٸ بار. «تسەسنابانك» اق ٶتٸمدٸلٸگٸ جوعارى اكتيۆتەردٸڭ ەلەۋلٸ قورىنا يە, بۇل بانككە كليەنتتەر مەن كرەديتورلار الدىنداعى ٶز مٸندەتتەمەلەرٸن تولىق كٶلەمدە ورىنداۋعا مٷمكٸندٸك بەرەدٸ», - دەيدٸ و.سمولياكوۆ.
ۇلتتىق بانكتٸڭ رەسمي سايتىندا جارييالانعان تٷسٸنٸكتەمەگە سٷيەنسەك, بانك مٸندەتتەمەلەرٸنٸڭ كٶپشٸلٸگٸ بانكتٸ قورلاندىرۋدىڭ تۇراقتى بازاسىمەن قامتاماسىز ەتە وتىرىپ, ۇزاق مەرزٸمدٸ سيپاتقا يە. بۇنى بانك وبليگاتسييالارىنىڭ دەپوزيتتەرگە اراقاتىناسى كٶرسەتٸپ وتىر. ول جٷيە بويىنشا 20 پايىزدان اسپايتىن ورتاشا كٶرسەتكٸشتەن بٸرنەشە ەسە ارتىق.
«سونىمەن قاتار, «تسەسنابانك» اق كرەديت پورتفەلٸنٸڭ قۇنسىزدانۋىنان بولعان بارلىق ىقتيمال شىعىنداردى ٶتەۋ ٷشٸن جەتكٸلٸكتٸ سوماعا قوسىمشا پروۆيزييا قالىپتاستىردى. سونداي-اق «تسەسنابانك» اق بۇرىن قازاقستان ۇلتتىق بانكٸ ۇسىنعان تۇراقتاندىرۋ قارىزىن تولىق كٶلەمدە ٶتەدٸ. وسىلايشا, «تسەسنابانك» اق تولىق قالىپقا كەلتٸرٸلٸپ, ەدەتتەگٸ رەجٸمدەگٸ قىزمەتٸن جٷزەگە اسىرۋدى جەنە كليەنتتەرٸ مەن سالىمشىلارى الدىنداعى مٸندەتتەمەلەرٸن ورىنداۋدى جالعاستىرادى», - دەيدٸ ۇلتتىق بانك ٶكٸلٸ.
