فوتو: Sputnik / ۆلاديسلاۆ ۆودنەۆ
ۇلتتىق بانك پەن ٷكٸمەت كۆازيمەملەكەتتٸك سەكتور سۋبەكتٸلەرٸن ۆاليۋتالىق تٷسٸمدەرٸنٸڭ 50%-ىن مٸندەتتٸ تٷردە ساتۋعا مٸندەتتەيتٸن بۇيرىق پەن قاۋلى دايىنداۋدا. 2023 جىلدىڭ تامىزىنا دەيٸن قولدانىستا بولعان بۇل تالاپ ماكروەكونوميكالىق جاعدايدىڭ ٶزگەرۋٸنە بايلانىستى ۋاقىتشا توقتاتىلعان ەدٸ, ەندٸ قايتا ٸسكە قوسىلماق. بۇل تۋرالى Ult.kz حابارلايدى.
ۇلتتىق بانكتٸڭ مەلٸمەتٸنشە, تەڭگەنٸڭ ەلسٸرەۋٸنە بٸرنەشە فاكتورلار ەسەر ەتكەن:
- - دوللاردىڭ جاھاندىق نىعايۋى (قىركٷيەك ايىنىڭ سوڭىنان بەرٸ يندەكس DXY بويىنشا +5,5%),
- - مۇناي نارىعىنداعى سۇرانىستىڭ تٶمەندٸگٸ مەن وپەك+ جەتكٸزٸلٸمدەرٸنٸڭ ٶسۋ بولجامدارى,
- - ٸشكٸ نارىقتاعى شەتەل ۆاليۋتاسىنا سۇرانىستىڭ ارتۋى,
- - بيۋدجەت پەن كۆازيمەملەكەتتٸك سەكتوردىڭ ينۆەستيتسييالىق جوبالارعا جۇمسايتىن شىعىندارىنىڭ كٶبەيۋٸ, بۇل يمپورتتى ۇلعايتتى.
وسى جاعدايلاردى رەتتەۋ ٷشٸن ۇلتتىق بانك كۆازيمەملەكەتتٸك سەكتور كومپانييالارىن ۆاليۋتالىق تٷسٸمدەرٸنٸڭ جارتىسىن ساتۋعا قايتادان مٸندەتتەۋگە شەشٸم قابىلدادى.
"ۆاليۋتا نارىعىنداعى تەڭگەرٸمدٸلٸكتٸ ارتتىرۋ ماقساتىندا كۆازيمەملەكەتتٸك سەكتور سۋبەكتٸلەرٸنٸڭ ۆاليۋتالىق تٷسٸمدەرٸنٸڭ 50%-ىن مٸندەتتٸ تٷردە ساتۋ تالابى قايتا ەنگٸزٸلەدٸ. قازاقستان رەسپۋبليكاسى ٷكٸمەتٸنٸڭ تيٸستٸ قاۋلىسى مەن ۇلتتىق بانكتٸڭ بۇيرىعى ەزٸرلەنٸپ, جاقىن كٷندەرٸ قابىلدانادى. بۇعان دەيٸن بۇل تالاپ 2023 جىلدىڭ تامىزىنا دەيٸن قولدانىستا بولعان, الايدا ماكروەكونوميكالىق جاعدايدىڭ ٶزگەرۋٸنە بايلانىستى ۋاقىتشا توقتاتىلعان ەدٸ. سونىمەن بٸرگە, بۇل تالاپ شوكتاردى بەسەڭدەتۋ ٷشٸن جەدەل قولدانۋعا بولاتىن تيٸمدٸ قۇرال بولىپ تابىلادى", — دەپ مەلٸمدەدٸ ۇلتتىق بانك تٶراعاسىنىڭ ورىنباسارى ەلييا مولدابەكوۆا.
بۇل شارا تەڭگەنٸڭ قۇنىن تۇراقتاندىرۋعا جەنە ەكونوميكالىق شوكتاردى جەڭٸلدەتۋگە باعىتتالعان.
ايتا كەتەيٸك, سوڭعى كٷندەرٸ تەڭگەنٸڭ قۇنى كٷرت تٶمەندەپ, كەيبٸر ايىرباستاۋ ورىندارىندا دوللار باعامى 500 تەڭگەگە جەتتٸ.
