قر ۇلتتىق بانكٸ «قازكوممەرتسبانك» اق-عا قىسقا مەرزٸمدٸ ۋاقىتقا 400,8 ملرد. تەڭگە كٶلەمٸندە زاەم بەردٸ, دەپ حابارلايدى "ۇلت اقپارات" ۇلتتىق بانكتٸڭ باسپاسٶز قىزمەتٸنە سٸلتەمە جاساپ.
«ۇلتتىق بانك باسقارماسى وسىعان دەيٸن «قازكوممەرتسبانك» اق-قا بانكتٸڭ جٷيەلٸك ماڭىزدىلىعىن ەسكەرە وتىرىپ 400,8 ملرد. تەڭگە سوماعا قىسقامەرزٸمدٸ قارجىلاندىرۋ بەرۋ تۋرالى شەشٸم قابىلداعان بولاتىن. قارىز بانك كليەنتتەرٸنٸڭ الدىنداعى مٸندەتتەمەلەردٸ ورىنداۋ ٷشٸن ٶتٸمدٸلٸكتٸڭ قوسىمشا قورىن قامتاماسىز ەتۋ ماقساتىندا بەرٸلدٸ. بٷگٸنگٸ كٷنٸ بانك ٶتٸمدٸ اكتيۆتەردٸڭ جەتكٸلٸكتٸ كٶلەمٸنە يە, بۇل وعان قارىزدى ٸشٸنارا مەرزٸمٸنەن بۇرىن ٶتەۋگە مٷمكٸندٸك بەردٸ. «قازكوممەرتسبانك» اق ۇلتتىق بانككە بۇرىن بٶلٸنگەن قاراجاتتىڭ جارتىسىن قايتاردى» دەلٸنگەن حابارلامادا.
قازٸرگٸ ۋاقىتتا بانكتەردٸ كاپيتالداندىرۋدى ۇلعايتۋ - بانك سەكتورىنىڭ بەسەكەگە قابٸلەتتٸلٸگٸن ارتتىرۋدىڭ باسىم باعىتتارىنىڭ بٸرٸ. وسىعان بايلانىستى ۇلتتىق بانك اعىمداعى قاداعالاۋ پروتسەسٸ شەڭبەرٸندە اكتسيونەرلەرمەن, ونىڭ ٸشٸندە «قازكوممەرتسبانك» اق-تىڭ اكتسيونەرلەرٸمەن كاپيتالداندىرۋ دەڭگەيٸن ارتتىرۋ جٶنٸندە كەلٸسسٶزدەر جٷرگٸزۋدە.
