QR Ulttyq banki «Qazkommertsbank» AQ-ǵa qysqa merzimdi ýaqytqa 400,8 mlrd. teńge kóleminde zaem berdi, dep habarlaidy "Ult aqparat" Ulttyq banktiń baspasóz qyzmetine silteme jasap.
«Ulttyq Bank Basqarmasy osyǵan deiin «Qazkommertsbank» AQ-qa banktiń júielik mańyzdylyǵyn eskere otyryp 400,8 mlrd. teńge somaǵa qysqamerzimdi qarjylandyrý berý týraly sheshim qabyldaǵan bolatyn. Qaryz bank klientteriniń aldyndaǵy mindettemelerdi oryndaý úshin ótimdiliktiń qosymsha qoryn qamtamasyz etý maqsatynda berildi. Búgingi kúni bank ótimdi aktivterdiń jetkilikti kólemine ie, bul oǵan qaryzdy ishinara merziminen buryn óteýge múmkindik berdi. «Qazkommertsbank» AQ Ulttyq Bankke buryn bólingen qarajattyń jartysyn qaitardy» delingen habarlamada.
Qazirgi ýaqytta bankterdi kapitaldandyrýdy ulǵaitý - bank sektorynyń básekege qabilettiligin arttyrýdyń basym baǵyttarynyń biri. Osyǵan bailanysty Ulttyq Bank aǵymdaǵy qadaǵalaý protsesi sheńberinde aktsionerlermen, onyń ishinde «Qazkommertsbank» AQ-tyń aktsionerlerimen kapitaldandyrý deńgeiin arttyrý jóninde kelissózder júrgizýde.
