قر ۇلتتىق بانكٸ پايىزدىق دەلٸزدٸ +/- 1 پ.ت. دەڭگەيٸندە ساقتاي وتىرىپ, بازالىق مٶلشەرلەمەنٸ جىلدىق 9,25% دەڭگەيدە ساقتاۋ تۋرالى شەشٸم قابىلدادى, دەپ حابارلايدى "ۇلت اقپارات" قر ۇب باسپاسٶز قىزمەتٸنە سٸلتەمە جاساپ.
«جىلدىق ينفلياتسييا ۇلتتىق بانكتٸڭ كٷتكەنٸنەن تٶمەن قالىپتاسۋدا. ناقتى جٸٶ-نٸڭ ٶسۋ قارقىنى بٸرتٸندەپ ٷدەۋدە. بازالىق مٶلشەرلەمە بويىنشا اعىمداعى شەشٸمدٸ ەسكەرە ينفلياتسييا 2019-2020 جىلدارعا ارنالعان 4-6% نىسانالى دەلٸز شەگٸندە قالىپتاسادى.
بازالىق مٶلشەرلەمە بويىنشا بۇدان كەيٸنگٸ شەشٸمدەر ناقتى ينفلياتسييا دەڭگەيٸن جەنە ونىڭ نىسانالى باعدارلارعا سەيكەستٸگٸن ايقىندايتىن ٸشكٸ جەنە سىرتقى تەۋەكەلدەردٸڭ تەڭگەرٸمٸنە قاراي قابىلداناتىن بولادى», دەلٸنگەن حابارلامادا.
ۇلتتىق بانكتٸڭ مەلٸمدەۋٸنشە, جىلدىق ينفلياتسييا 2019 جىلعى قاراشادا 5,4% بولدى (قازاندا – 5,5%) جەنە مامىر-قاراشادا 5,3-5,5%-دىق تار دەلٸزدە تۇراقتى دەڭگەيدە قالىپ وتىر. ازىق-تٷلٸك تاۋارلارىنىڭ باعاسى ينفلياتسيياعا ەڭ كٶپ ٷلەس قوسۋىن جالعاستىرۋدا, ول قازاننىڭ دەڭگەيٸندە تۇراقتانىپ, 9,7%-دى قۇرادى. ەت, نان-توقاش ٶنٸمدەرٸ مەن جارما باعاسىنىڭ ٶسۋٸ ازىق-تٷلٸك ينفلياتسيياسىنىڭ نەگٸزگٸ سەبەبٸ بولىپ وتىر, ولار تيٸسٸنشە 13,4%-عا جەنە 15,5%-عا قىمباتتادى. ازىق-تٷلٸككە جاتپايتىن تاۋارلار باعاسى ٶسۋٸنٸڭ 4,8%-عا دەيٸن جەنە اقىلى قىزمەتتەردٸڭ 0,6%-عا دەيٸن باياۋلاۋى ينفلياتسيياعا تەجەۋشٸ ىقپال ەتۋدە.
حالىقتىڭ ينفلياتسييالىق كٷتۋلەرٸ بيىل قاراشا ايىندا ازىق-تٷلٸك تاۋارلارى باعاسىنىڭ نەعۇرلىم جوعارى ٶسۋٸنٸڭ اياسىندا 5,8%-عا دەيٸن (2019 جىلعى قازاندا 5,6%) ازداپ كٶتەرٸلدٸ. حالىق اراسىندا جٷرگٸزٸلگەن سوڭعى پٸكٸرتەرٸم نەتيجەلەرٸ بويىنشا كەلەسٸ 12 ايدا باعالاردىڭ قازٸرگٸ ٶسۋ قارقىنىنىڭ ساقتالۋىن نەمەسە ونىڭ باياۋلاۋىن كٷتەتٸن رەسپوندەنتتەر ٷلەسٸ 54,7%-دى قۇرادى (قازاندا 56,4%).
«تۇتىنۋشىلىق سۇرانىستىڭ كەڭەيۋٸ جەنە ەكونوميكالىق بەلسەندٸلٸك ٶسۋٸنٸڭ قارقىن الۋى نەگٸزگٸ پروينفلياتسييالىق فاكتورلار بولىپ قالۋدا. حالىقتىڭ ناقتى اقشالاي كٸرٸستەرٸنٸڭ ٶسۋٸ 2019 جىلعى قاڭتار-قىركٷيەكتە 6,4% بولدى. ٷشٸنشٸ توقساندا ناقتى جالاقى 12%-عا دەيٸن ٶستٸ, بۇل رەتتە مۇنداي ٶسۋ ەكونوميكانىڭ بارلىق سەكتورلارىندا بايقالادى. ٷي شارۋاشىلىقتارىن تۇتىنۋىنا ٶتكەن جىلمەن سالىستىرعاندا ەلەۋمەتتٸك قولداۋعا جەنە جالاقىعا جۇمسالعان بيۋدجەت شىعىستارىنىڭ, سونداي-اق تۇتىنۋشىلىق كرەديتتەۋدٸڭ ٶسۋ قارقىنىنىڭ جوعارى بولۋى (قازاندا جىلدىق كٶرسەتكٸش بويىنشا 23,8%) قولداۋ كٶرسەتۋدە.
بيىلعى قاڭتار-قازان ايىندا قىسقا مەرزٸمدٸ ەكونوميكالىق ينديكاتور جىلدىق كٶرسەتكٸش بويىنشا 4,7%-عا ۇلعايدى. قۇرىلىس 12,7%-عا, ساۋدا – 7,5%-عا, كٶلٸك – 5,6%-عا, تاۋ-كەن ٶندٸرۋ جەنە ٶڭدەۋشٸ ٶنەركەسٸبٸ تيٸسٸنشە 3,7%-عا جەنە 3,3%-عا وڭ ٷلەس قوستى. 2019 جىلعى قاڭتار-قازاندا ينۆەستيتسييالاردىڭ كەڭەيۋٸ 8,2%-دى قۇرادى. ۇلتتىق بانكتٸڭ باعالاۋىنشا ٸجٶ-نٸڭ ناقتى ٶسۋٸ 2019 جىلى 4,2% بولادى», دەلٸنگەن حابارلامادا.
ۇلتتىق بانك ەكونوميكانىڭ ٶسۋٸن 2019 جىلى 4,2%-عا, 2020 جىلى 3,8%-عا باعالايدى. حالىقتىڭ ناقتى اقشالاي كٸرٸسٸنٸڭ ۇلعايۋى اياسىندا تۇتىنۋشىلىق سۇرانىستىڭ ٶسۋٸ, ينفراقۇرىلىمدىق جەنە ينۆەستيتسييالىق جوبالاردى ٸسكە اسىرۋ نەتيجەسٸندە ينۆەستيتسييالىق سۇرانىستىڭ ارتۋى, مۇناي جەنە گاز كوندەنساتىنىڭ كٶلەمٸن ٶسٸرۋ سالدارىنان ەكسپورتتىڭ ۇلعايۋى نەگٸزگٸ فاكتورلار بولادى.
سىرتقى سەكتور فاكتورلارىنىڭ ەسەرٸ سالىستىرمالى تٷردە بەيتاراپ سيپاتتا. Brent ماركالى مۇنايدىڭ باعاسى بازالىق ستسەنارييدە سالىنعاننان ازداپ جوعارى دەڭگەيدە ساقتالۋدا. بيىلعى جىلعى 11 ايدا ول ورتاشا العاندا بٸر باررەل ٷشٸن 64,1 اقش دوللارىن قۇرادى (2018 جىلعى 11 ايدا – بٸر باررەل 72,9 اقش دوللارى). 2020 جىلى مۇناي باعاسى ەلەمدٸك ەكونوميكانىڭ ەلسٸز دامۋى اياسىندا اعىمداعى دەڭگەيلەرگە جاقىن قالىپتاساتىن بولادى. فاو ازىق-تٷلٸك باعالارى يندەكسٸ قاراشادا 9,5%-عا ۇلعايدى, بۇل سٷت ٶنٸمدەرٸ, ەت جەنە ٶسٸمدٸك مايى باعاسىنىڭ ۇلعايۋىمەن تٷسٸندٸرٸلەدٸ. قورلارىنىڭ ازايۋى اياسىندا دەندٸ-داقىلداردى تۇتىنۋدىڭ ۇلعايۋى نەتيجەسٸندە ولاردىڭ ەلەمدٸك باعاسى قالىپتى تٷردە ٶسەدٸ دەپ كٷتٸلەدٸ.
سىرتقى مونەتارلىق جاعدايلار ينفلياتسييالىق ايانىڭ جۇمسارۋىنا ىقپال ەتۋدە. ورتالىق بانكتەردٸڭ پايىزدىق مٶلشەرلەمەلەردٸ تٶمەندەتۋ جەنە تٷرلٸ ىنتالاندىرۋ شارالارىن كەڭەيتۋ ساياساتى جالعاسۋدا. رەسەيدە ينفلياتسييانىڭ باياۋلاۋى جەنە ەو ەلدەرٸندە تۇتىنۋشىلىق باعانىڭ قالىپتى ٶسۋ قارقىنىنىڭ ساقتالۋى اياسىندا ساۋدا ەرٸپتەس ەلدەردەگٸ ينفلياتسييا قازاقستاندا ٸشكٸ باعالارعا دەزينفلياتسييالىق ىقپال ەتۋدە.
«2019 جىلدىڭ سوڭىندا جىلدىق ينفلياتسييا 4-6% نىسانالى دەلٸز شەگٸندە 2020 جىلدىڭ سوڭىنا قاراي 5,0-5,5%-عا دەيٸن باياۋلاي وتىرىپ, 5,5-5,7% ارالىعىندا بولادى دەپ بولجانادى. 2020 جىلعى بٸرٸنشٸ توقساندا قىسقا مەرزٸمدٸ سيپاتتاعى پروينفلياتسييالىق تەۋەكەلدەر ٸسكە اسىرىلۋى جەنە ينفلياتسييا نىسانالى دەلٸزدٸڭ جوعارى شەگٸنٸڭ دەڭگەيٸنە دەيٸن ٶسۋٸ مٷمكٸن. بۇل حالىققا كٶرسەتٸلەتٸن اقىلى قىزمەتتەردٸڭ رەتتەلمەلٸ تاريفتەرٸنٸڭ, سونداي-اق جەكەلەگەن ازىق-تٷلٸك ٶنٸمدەرٸ باعاسىنىڭ ٶسۋٸمەن بايلانىستى. ەكونوميكانى فيسكالدىق ىنتالاندىرۋدى ودان ەرٸ جالعاستىرۋ جەنە ۇلتتىق بانك وڭ بولادى دەپ باعالايتىن شىعارىلىم ايىرماسى ورتا مەرزٸمدٸ پەرسپەكتيۆادا 2020 جىلعى ينفلياتسييا سەرپٸنٸن ايقىندايتىن نەگٸزگٸ فاكتورلار بولىپ قالا بەرەدٸ», دەلٸنگەن حابارلامادا.
ۇب مەلٸمەتٸنشە, اعىمداعى اقشا-كرەديت تالاپتارى ەلسٸز تەجەۋشٸ رەتٸندە باعالانادى, بۇل تٶلەم بالانسى اعىمداعى شوتىنىڭ كەڭەيٸپ جاتقان تاپشىلىعىنىڭ ينفلياتسييالىق جەنە باعامدىق كٷتۋلەرٸنە ىقپال ەتۋدٸ شەكتەۋ جٶنٸندەگٸ الدىن الۋ شارالارىن قابىلداۋ قاجەتتٸلٸگٸمەن بايلانىستى.
قر ۇلتتىق بانك بازالىق مٶلشەرلەمە بويىنشا كەزەكتٸ شەشٸمدٸ 2020 جىلى 3 اقپاندا نۇر-سۇلتان قالاسىنىڭ ۋاقىتىمەن ساعات 15:00-دە جارييالايدى.
