QR Ulttyq banki paiyzdyq dálizdi +/- 1 p.t. deńgeiinde saqtai otyryp, bazalyq mólsherlemeni jyldyq 9,25% deńgeide saqtaý týraly sheshim qabyldady, dep habarlaidy "Ult aqparat" QR UB baspasóz qyzmetine silteme jasap.
«Jyldyq infliatsiia Ulttyq banktiń kútkeninen tómen qalyptasýda. Naqty JIÓ-niń ósý qarqyny birtindep údeýde. Bazalyq mólsherleme boiynsha aǵymdaǵy sheshimdi eskere infliatsiia 2019-2020 jyldarǵa arnalǵan 4-6% nysanaly dáliz sheginde qalyptasady.
Bazalyq mólsherleme boiynsha budan keiingi sheshimder naqty infliatsiia deńgeiin jáne onyń nysanaly baǵdarlarǵa sáikestigin aiqyndaityn ishki jáne syrtqy táýekelderdiń teńgerimine qarai qabyldanatyn bolady», delingen habarlamada.
Ulttyq banktiń málimdeýinshe, jyldyq infliatsiia 2019 jylǵy qarashada 5,4% boldy (qazanda – 5,5%) jáne mamyr-qarashada 5,3-5,5%-dyq tar dálizde turaqty deńgeide qalyp otyr. Azyq-túlik taýarlarynyń baǵasy infliatsiiaǵa eń kóp úles qosýyn jalǵastyrýda, ol qazannyń deńgeiinde turaqtanyp, 9,7%-dy qurady. Et, nan-toqash ónimderi men jarma baǵasynyń ósýi azyq-túlik infliatsiiasynyń negizgi sebebi bolyp otyr, olar tiisinshe 13,4%-ǵa jáne 15,5%-ǵa qymbattady. Azyq-túlikke jatpaityn taýarlar baǵasy ósýiniń 4,8%-ǵa deiin jáne aqyly qyzmetterdiń 0,6%-ǵa deiin baiaýlaýy infliatsiiaǵa tejeýshi yqpal etýde.
Halyqtyń infliatsiialyq kútýleri biyl qarasha aiynda azyq-túlik taýarlary baǵasynyń neǵurlym joǵary ósýiniń aiasynda 5,8%-ǵa deiin (2019 jylǵy qazanda 5,6%) azdap kóterildi. Halyq arasynda júrgizilgen sońǵy pikirterim nátijeleri boiynsha kelesi 12 aida baǵalardyń qazirgi ósý qarqynynyń saqtalýyn nemese onyń baiaýlaýyn kútetin respondentter úlesi 54,7%-dy qurady (qazanda 56,4%).
«Tutynýshylyq suranystyń keńeiýi jáne ekonomikalyq belsendilik ósýiniń qarqyn alýy negizgi proinfliatsiialyq faktorlar bolyp qalýda. Halyqtyń naqty aqshalai kiristeriniń ósýi 2019 jylǵy qańtar-qyrkúiekte 6,4% boldy. Úshinshi toqsanda naqty jalaqy 12%-ǵa deiin ósti, bul rette mundai ósý ekonomikanyń barlyq sektorlarynda baiqalady. Úi sharýashylyqtaryn tutynýyna ótken jylmen salystyrǵanda áleýmettik qoldaýǵa jáne jalaqyǵa jumsalǵan biýdjet shyǵystarynyń, sondai-aq tutynýshylyq kreditteýdiń ósý qarqynynyń joǵary bolýy (qazanda jyldyq kórsetkish boiynsha 23,8%) qoldaý kórsetýde.
Biylǵy qańtar-qazan aiynda qysqa merzimdi ekonomikalyq indikator jyldyq kórsetkish boiynsha 4,7%-ǵa ulǵaidy. Qurylys 12,7%-ǵa, saýda – 7,5%-ǵa, kólik – 5,6%-ǵa, taý-ken óndirý jáne óńdeýshi ónerkásibi tiisinshe 3,7%-ǵa jáne 3,3%-ǵa oń úles qosty. 2019 jylǵy qańtar-qazanda investitsiialardyń keńeiýi 8,2%-dy qurady. Ulttyq banktiń baǵalaýynsha IJÓ-niń naqty ósýi 2019 jyly 4,2% bolady», delingen habarlamada.
Ulttyq bank ekonomikanyń ósýin 2019 jyly 4,2%-ǵa, 2020 jyly 3,8%-ǵa baǵalaidy. Halyqtyń naqty aqshalai kirisiniń ulǵaiýy aiasynda tutynýshylyq suranystyń ósýi, infraqurylymdyq jáne investitsiialyq jobalardy iske asyrý nátijesinde investitsiialyq suranystyń artýy, munai jáne gaz kondensatynyń kólemin ósirý saldarynan eksporttyń ulǵaiýy negizgi faktorlar bolady.
Syrtqy sektor faktorlarynyń áseri salystyrmaly túrde beitarap sipatta. Brent markaly munaidyń baǵasy bazalyq stsenariide salynǵannan azdap joǵary deńgeide saqtalýda. Biylǵy jylǵy 11 aida ol ortasha alǵanda bir barrel úshin 64,1 AQSh dollaryn qurady (2018 jylǵy 11 aida – bir barrel 72,9 AQSh dollary). 2020 jyly munai baǵasy álemdik ekonomikanyń álsiz damýy aiasynda aǵymdaǵy deńgeilerge jaqyn qalyptasatyn bolady. FAO azyq-túlik baǵalary indeksi qarashada 9,5%-ǵa ulǵaidy, bul sút ónimderi, et jáne ósimdik maiy baǵasynyń ulǵaiýymen túsindiriledi. Qorlarynyń azaiýy aiasynda dándi-daqyldardy tutynýdyń ulǵaiýy nátijesinde olardyń álemdik baǵasy qalypty túrde ósedi dep kútiledi.
Syrtqy monetarlyq jaǵdailar infliatsiialyq aianyń jumsarýyna yqpal etýde. Ortalyq bankterdiń paiyzdyq mólsherlemelerdi tómendetý jáne túrli yntalandyrý sharalaryn keńeitý saiasaty jalǵasýda. Reseide infliatsiianyń baiaýlaýy jáne EO elderinde tutynýshylyq baǵanyń qalypty ósý qarqynynyń saqtalýy aiasynda saýda áriptes elderdegi infliatsiia Qazaqstanda ishki baǵalarǵa dezinfliatsiialyq yqpal etýde.
«2019 jyldyń sońynda jyldyq infliatsiia 4-6% nysanaly dáliz sheginde 2020 jyldyń sońyna qarai 5,0-5,5%-ǵa deiin baiaýlai otyryp, 5,5-5,7% aralyǵynda bolady dep boljanady. 2020 jylǵy birinshi toqsanda qysqa merzimdi sipattaǵy proinfliatsiialyq táýekelder iske asyrylýy jáne infliatsiia nysanaly dálizdiń joǵary sheginiń deńgeiine deiin ósýi múmkin. Bul halyqqa kórsetiletin aqyly qyzmetterdiń rettelmeli tarifteriniń, sondai-aq jekelegen azyq-túlik ónimderi baǵasynyń ósýimen bailanysty. Ekonomikany fiskaldyq yntalandyrýdy odan ári jalǵastyrý jáne Ulttyq bank oń bolady dep baǵalaityn shyǵarylym aiyrmasy orta merzimdi perspektivada 2020 jylǵy infliatsiia serpinin aiqyndaityn negizgi faktorlar bolyp qala beredi», delingen habarlamada.
UB málimetinshe, aǵymdaǵy aqsha-kredit talaptary álsiz tejeýshi retinde baǵalanady, bul tólem balansy aǵymdaǵy shotynyń keńeiip jatqan tapshylyǵynyń infliatsiialyq jáne baǵamdyq kútýlerine yqpal etýdi shekteý jónindegi aldyn alý sharalaryn qabyldaý qajettiligimen bailanysty.
QR Ulttyq bank bazalyq mólsherleme boiynsha kezekti sheshimdi 2020 jyly 3 aqpanda Nur-Sultan qalasynyń ýaqytymen saǵat 15:00-de jariialaidy.
