ۇلتتىق بانكتٸڭ مونەتارلىق وپەراتسييا دەپارتامەنتٸنٸڭ ديرەكتورى نۇرجان تۇرسىنحانوۆ التىن نارىعىنداعى جاعدايدى تٷسٸندٸردٸ, دەپ حابارلايدى "ۇلت اقپارات".
كەيٸنگٸ ەكٸ ايدا بٸرٸنشٸ رەت التىننىڭ باعاسى تروي ۋنتسيياسىنا 1900 دوللاردان تٶمەن تٷسٸپ كەتتٸ. ۇلتتىق بانكتٸڭ مونەتارلىق وپەراتسييا دەپارتامەنتٸنٸڭ ديرەكتورى نۇرجان تۇرسىنحانوۆ سارى مەتالل نارىعىنداعى جاعدايدى تٷسٸندٸرٸپ, بۇل جاعداي ۇلتتىق بانكتٸڭ رەزەرۆٸنە قالاي ەسەر ەتەتٸنٸن ايتىپ ٶتتٸ.
«23 قىركٷيەكتە التىننىڭ باعاسى تروي ۋنتسيياسىنا 1865 دوللار دەڭگەيٸنەن تٶمەن تٷسٸپ كەتتٸ. بۇل – قىركٷيەكتٸڭ باسىنداعى باعاعا قاراعاندا 100 دوللارعا نەمەسە 5 پايىزعا از. اقش تاراپىنداعى وڭ ەكونوميكالىق مەلٸمەتتەر, ەۋرووداق پەن ۇلىبريتانييا ەلدەرٸندەگٸ كوروناۆيرۋس جۇقتىرعان ازاماتتار كٶبەيەدٸ-اۋ دەگەن ٷرەي, سونىمەن بٸرگە چيكاگو فەدەرالدىق رەزەرۆ بانكٸ باسشىسىنىڭ اقش-تا ينفلياتسييا 2 پايىزدىق ورتاشا دەڭگەيگە جەتكەنشە ستاۆكانى كٶتەرۋ تۋرالى پٸكٸرٸ – دوللاردىڭ يندەكسٸن سەگٸز اپتالىق ماكسيمۋمعا يتەرمەلەدٸ. اقش-تا دوللاردىڭ كٷشەيۋٸ ەلەم نارىقتارىندا التىننىڭ تارتىمدىلىعىن تٶمەندەتتٸ. التىننىڭ باعاسى وسى جىلدىڭ شٸلدە ايىنان بەرگٸ مينيمۋمدى كٶرسەتٸپ تۇر», - دەيدٸ ول.
ونىڭ ايتۋىنشا, COVID-19 جاھاندىق پاندەميياسى مەن دامىعان ەلدەردٸڭ ورتالىق بانكتەرٸنٸڭ وعان جاۋاپ رەتٸندەگٸ مونەتارلىق ساياساتى بيىل التىننىڭ باعاسىنا ەدەۋٸر ەسەر ەتكەن. ال التىننىڭ باعاسى تامىز ايىندا تاريحي ماكسيمۋمدى كٶرسەتٸپ, جىل باسىنان بەرٸ 36 پايىزعا قىمباتتاعان. قازٸرگٸ باعانىڭ كوررەكتسيياسىنا قاراماستان التىن ينۆەستيتسييالىق اكتيۆ رەتٸندە جىل باسىنان بەرٸ 24 پايىزدىق ٶسٸمدٸ كٶرسەتٸپ, كٶش باستاپ تۇر.
«التىن باعاسىنىڭ كەيٸنگٸ كٷندەردەگٸ الا-قۇلالىعى ايدىڭ قورىتىندىسى بويىنشا ۇلتتىق بانكتٸڭ التىن ۆاليۋتا رەزەرۆٸنٸڭ قايتا باعالانۋىنا ەسەر ەتۋٸ مٷمكٸن», - دەدٸ نۇرجان تۇرسىنحانوۆ.
قازٸرگٸ ۋاقىتتا COVID-19 ٸندەتٸنٸڭ ەكٸنشٸ تولقىنىنىڭ قاۋپٸ ساقتالىپ تۇر. اقش پەن قىتاي اراسىنداعى ساياسي تەكەتٸرەس, اقش-تا سايلاۋدىڭ جاقىنداۋى – باعانىڭ تۋربۋلەنتتٸگٸنە ەكەلۋٸ ىقتيمال. التىن دەستٷرلٸ تٷردە ستراتەگييالىق ينۆەستيتسييا بولىپ قالا بەرەدٸ.
