2021 جىلعى 26 مامىردا, ۋكراينانىڭ استاناسى كيەۆ قالاسىندا, ۋكرايناداعى قازاق دياسپوراسىنىڭ قۇرىلتايى ٶتتٸ. قۇرىلتايعا وسى ەلدە تۇراتىن قانداستار مەن قازاقستاننان دەلەگاتتار قاتىستى. قۇرىلتايعا قاتىسۋشىلار اتامەكەنٸ قازاقستانداعى جٷرگٸزٸلٸپ جاتقان ساياسي, ەكونوميكالىق, مەدەني رەفورمالارعا قولداۋ بٸلدٸرٸپ, دٷنيە جٷزٸندەگٸ قانداستارىمىزعا ارنايى ٷندەۋ جولدادى.
ۋكرايناداعى قازاق دياسپوراسىنىڭ
وتانداستارعا ٷندەۋٸ
قىمباتتى وتانداستار!
2021 جىل – بٸزدٸڭ اتامەكەنٸمٸز قازاقستاننىڭ تاريحى مەن تاعدىرىنداعى ەڭ ەلەۋلٸ, اسا ماڭىزدى جىل. بيىل قازاقستان رەسپۋبليكاسىنىڭ تەۋەلسٸزدٸگٸنە 30 جىل تولىپ وتىر.
ادامزات تاريحى ٷشٸن, وتىز جىل از ۋاقىت كٶرٸنگەنٸمەن, بٸزدٸڭ حالقىمىز ٷشٸن وسى بٸر تاعدىرلى ۋاقىت مەجەسٸ وتىز عاسىرعا تاتيدى. بٸز سان جىلدار بويى اتا-بابالارىمىز اڭساعان, سول جولدا قانىن تٶگٸپ, جانىن قۇربان ەتكەن بوستاندىققا قول جەتكٸزدٸك.
ۇلى دالا تٶسٸندە كٶك بايراعى جەلبٸرەگەن, تٶرتكٷل دٷنيە تٷگەل مويىنداعان, بٸرٸككەن ۇلتتار ۇيىمىنداعى بارلىق مەملەكەتتەرمەن تەرەزەسٸ تەڭ, كەرەگەسٸ كەڭ قازاق مەملەكەتٸ سالتانات قۇردى. بۇل بارشا قازاقستاندىقتار ٷشٸن, ەسٸرەسە, تۋعان ەلدەن جىراقتا جٷرگەن بٸزدەر ٷشٸن كٶڭٸل تولقىتار, جٷرەكجاردى ۇلى وقيعا ەرٸ باعا جەتپەس قۇندىلىققا اينالدى.
1992 جىلدىڭ قىركٷيەك ايىندا, ٸ دٷنيەجٷزٸ قازاقتارىنىڭ قۇرىلتايىندا, التى قۇرلىققا تارىداي شاشىلىپ كەتكەن قانداستارىمىزدىڭ باسى قوسىلىپ, باۋىرى بٷتٸندەلدٸ. سول العاشقى قۇرىلتايدا ەلباسى ن.ە.نازارباەۆ «باۋىرلارعا قۇشاعىمىز ايقارا اشىق» دەگەن اتاقتى بايانداماسىن جاساپ, شەتتە جٷرگەن قانداستارىمىزدى تاريحي وتانىنا ورالۋعا شاقىرعان ەدٸ. بٷگٸندە ميلليوننان استام قانداس باۋىرلارىمىز اتامەكەنٸنە ورالىپ, تۋعان ەلٸ مەن جەرٸنٸڭ بولاشاعى ٷشٸن ايانباي ەڭبەك ەتٸپ جاتىر.
ۋكرايناداعى قازاق دياسپوراسى دا ٶز اتامەكەنٸنەن ەشقاشان قول ٷزگەن ەمەس. بٸز قازٸرگٸ كەزدە قازاقستاننىڭ ۋكرايناداعى ەلشٸلٸگٸ ارقىلى دا تاريحي وتانىمىزبەن, ەلەمنٸڭ باسقا ەلدەرٸندەگٸ قازاقتىڭ قوعامدىق ۇيىمدارىمەن تىعىز قارىم-قاتىناس ورناتىپ وتىرمىز.
سوناۋ 1994 جىلدىڭ ٶزٸندە كيەۆ قالاسىندا «دوستىق» قازاق مەدەني ورتالىعىن اشۋعا قول جەتكٸزدٸك. سونىمەن قاتار, حاركوۆ قالاسىندا قازاقستاندىقتاردىڭ «بٸرلٸك» قوعامدىق ۇيىمى تۇراقتى جۇمىس ٸستەپ كەلەدٸ. كيەۆتەگٸ, ۇلى اقىنىمىز جامبىل جاباەۆ اتىنداعى قوعامدىق كٸتاپحانا دا ۋكرايناداعى قازاقتاردىڭ رۋحاني ورتالىعىنا اينالعان. ٶتكەن جىلى «وتانداستار» قورىنىڭ قولداۋىمەن «اباي» مەدەني-ٸسكەرلٸك ٷيٸ اشىلدى.
بٸز ٶز بالالارىمىزعا, نەمەرەلەرٸمٸزگە ۇلتىمىزدىڭ سالت-دەستٷرٸن, تٸلٸ مەن دٸلٸن ٷيرەتٸپ, تاريحىن, مەدەنيەتٸ مەن ەدەبيەتٸن ناسيحاتتاۋدى پەرزەنتتٸك بورىشىمىز دەپ سانايمىز.
ۋكرايناداعى قازاق دياسپوراسىنىڭ قۇرىلتايى وسىنداي اۋقىمدى دا ماڭىزدى ماقسات-مۇراتتاردى كٶزدەيدٸ. بٸز قازاقستان مەن ۋكراينا اراسىنداعى ساياسي, ەكونوميكالىق, گۋمانيتارلىق ٶزارا بايلانىستىڭ بۇدان ەرٸ دە قارقىندى دامىعانىن قالايمىز جەنە وسى جولدا قازاق-ۋكراين حالىقتارى دوستىعىنىڭ «التىن كٶپٸرٸ» بولعىمىز كەلەدٸ!
قادٸرلٸ قانداستار!
سوڭعى ەكٸ جىل بارشا ەلەم حالقى ٷشٸن اۋىر سىناق پەن بولجاۋسىز تەۋەكەلدەر ۋاقىتى بولدى. تٶتەننەن كەلگەن كورونوۆيرۋس دەرتٸ بٸزدٸڭ اياۋلى اتامەكەنٸمٸزدٸ دە اينالىپ ٶتكەن جوق. وسى ورايدا, بٸز – جىراقتا جٷرگەن قانداستار قازاقستاننان جەتەتٸن ەربٸر اقپاراتقا, ەربٸر جاڭالىققا قۇلاق تٷرٸپ, ەلەڭدەپ وتىرمىز.
تۋعان وتانىمىز بۇل سىناقتان دا ابىرويمەن شىعاتىنىنا, ونىڭ بولاشاعى جارقىن دا جاسامپاز بولاتىنىنا كەمٸل سەنەمٸز.
تەۋەلسٸز قازاقستاننىڭ ەر جەتٸستٸگٸنە, ەر جاقسىلىعىنا جٷرەگٸ جارىلا قۋاناتىن الدىمەن بٸزدەر, ٶزدەرٸڭٸزدٸڭ باۋىرلارىڭىز ەكەنٸن دە ريياسىز كٶڭٸلمەن جەتكٸزگٸمٸز كەلەدٸ.
قر پرەزيدەنتٸ ق.ك.توقاەۆ ايتقانداي – «تەۋەلسٸزدٸك بەرٸنەن قىمبات». اتامەكەن – قازاقستانىمىزدىڭ تەۋەلسٸزدٸگٸ مەڭگٸلٸك بولسىن!
حالقىمىز امان-ەسەن, كٶك اسپانىمىز اشىق, تٸرلٸگٸمٸز بەيبٸت تە بەرەكەلٸ بولسىن!
بٸز سٸزدەرمەن ەردايىم بٸرگەمٸز!
ۋكرايناداعى قازاق دياسپوراسىنىڭ
قۇرىلتايىنا قاتىسۋشىلار
