رەسەي-ۋكراينا سوعىسىندا ۋكراين ەسكەرٸ ساپىندا سوعىسىپ جاتقان قازاقستاندىق سارباز جاسۇلان دٷيسەمبين ۆلاديمير زەلەنسكييدەن كٶمەك سۇرادى, دەپ حابارلايدى Ulysmedia.kz.
ۋكراينا پرەزيدەنتٸنە جولداعان بەينەٷندەۋٸندە ول بىلتىر قىركٷيەك ايىندا كەلٸسٸمشارت بويىنشا ۋكراينانىڭ قارۋلى كٷشتەرٸنٸڭ قاتارىنا قابىلدانعانىن, سوعىسقا دەيٸن الدىڭعى شەتپە ەسكەري بورىشىن ٶتەگەنٸن, ال سوعىس باستالعاندا قولىنا قارۋ الىپ, رەسەيگە قارسى شايقاستارعا قاتىسىپ كەلە جاتقانىن ايتتى.
سوعىس باستالىسىمەن باتىر قالا ۆولنوۆاحانى ازات ەتۋگە قاتىستىم. ۆولنوۆاحا باعىتىندا قورعانىس شەبٸن مىقتى ۇستاپ سوعىستىم. وسى ۋاقىتتا ۋكراينانىڭ ازاماتتىعىن الۋعا تىرىسقان ەدٸم. ٶيتكەنٸ قازاقستاندا مەنٸ قىلمىستىق جاۋاپكەرشٸلٸككە تارتادى, كەم دەگەندە 9 جىلعا سوتتالۋىم مٷمكٸن. مەنٸ ۇستاۋ ٷشٸن قولدا بار جاعدايدىڭ بەرٸن جاساپ جاتىر. ال مەن ۋكراينانىڭ بوستاندىعى, ازاتتىعى مەن ەدٸلدٸك ٷشٸن شايقاستارعا قاتىسىپ جاتىرمىن. مەنٸڭ زايىبىم – ۋكراينانىڭ ازاماتى. وسى جەردە ەكٸ بالامىز تۋعان. ماعان كٶپ ادام كٶمەكتەسەمٸز دەگەن. الايدا, ەشكٸم ەشنەرسە ٸستەي الماي وتىر. مەن زاڭدى تۇرعىدا قورعالعىم كەلەدٸ. بٸراق بەرٸ بوس سٶز كٷيٸندە قالىپ وتىر. وسى كەزگە دەيٸن بٸر اۋىز سٶز ايتىپ, ۋكرايناداعى سوعىسقا قارسى شىققان رەسەيلٸكتەردٸڭ ازاماتتىق العانىن ەستٸگەن ەدٸم. ال ۋكراينا ٷشٸن ٶمٸرٸنە قاۋٸپ-قاتەر تٶندٸرٸپ, سوعىسىپ جاتقان ادامدار ازاماتتىق تۇرماق, ەسكەري بيلەت تە الا الماي جاتىر. سوندىقتان مەن سٸزدەن باسقىنشىلارعا قارسى سوعىسۋ ٷشٸن ازاماتتىق الۋعا كٶمەكتەسۋٸڭٸزدٸ سۇرايمىن, - دەدٸ دٷيسەمبين.
ەسكە سالا كەتەيٸك, بۇدان بۇرىن ۇلتتىق قاۋٸپسٸزدٸك كوميتەتٸنٸڭ نۇر-سۇلتان قالاسى بويىنشا دەپارتامەنتٸ ۋكراينادا سوعىسىپ جاتقان قازاقستاندىققا قاتىستى سوتقا دەيٸنگٸ تەرگەۋدٸ باستاعانىن حابارلاعانبىز.
سوتقا دەيٸنگٸ تەرگەۋ قىلمىستىق كودەكستٸڭ 172-بابى (جالدانۋشىلىق بەلگٸلەرٸ بولماعان جاعدايدا قازاقستان رەسپۋبليكاسى ازاماتىنىڭ شەت مەملەكەت اۋماعىندا قارۋلى قاقتىعىسقا نەمەسە سوعىس قيمىلدارىنا قاساقانا زاڭسىز قاتىسۋى) بويىنشا جٷرگٸزٸلەدٸ. بۇل باپ قىلمىسكەرگە 5 جىلدان 9 جىلعا دەيٸنگٸ مەرزٸمگە باس بوستاندىعىنان ايىرۋ جازاسىن بەرۋدٸ كٶزدەيدٸ.
