ۋكراينا پوليتسيياسى كيەۆتە سەنبٸ كٷنٸ بولعان پرەزيدەنت كەڭسەسٸ ماڭىنداعى نارازىلىق شاراسىنان سوڭ قىلمىستىق ٸس قوزعادى.
جاقىندا عانا قاماۋدان شىققان ودەسسالىق بەلسەندٸ سەرگەي ستەرنەنكو قايتا سوتتالعان سوڭ ونىڭ جٷزدەگەن جاقتاسى پرەزيدەنت كەڭسەسٸنە كەلدٸ. ولار ستەرنەنكونى بوساتۋدى تالاپ ەتتٸ. جينالعانداردىڭ بٸر بٶلٸگٸ عيماراتتىڭ فاسادىنا بيلٸك پەن پوليتسييانى قورلايتىن جازۋلار مەن گراففيتي سالعان. عيماراتتىڭ تەرەزەسٸن شاعىپ, ٶرتەمەك بولدى. پوليتسييا نارازىلاردى سىرتتاي باقىلاپ تۇردى. تەك بٸر ادام ۇستالدى.
ازاتتىقتىڭ ۋكراين قىزمەتٸ وقيعا ورنىنان فوتوگالەرەيا جارييالادى.
ٸٸم مەن ۋكراينا پرەزيدەنتٸنٸڭ كەڭسەسٸ نارازىلىققا شىققانداردىڭ ەرەكەتٸن سىنادى. ٸٸم ورىنباسارى انتون گەراششەنكو "اكتسييا قاتىسۋشىلارى پوليتسييانى ارانداتىپ, قان تٶگۋدٸ ويلادى, بٸراق پوليتسەيلەر وعان ارالاسپادى" دەدٸ. ونىڭ سٶزٸنشە, ونداعان ادام جاۋاپقا تارتىلادى. پرەزيدەنت كەڭسەسٸ باسشىسىنىڭ كەڭەسشٸسٸ ماكسيم پودولياك "پرەزيدەنت ۆلاديمير زەلەنسكيي نارازىلىققا كەدەرگٸ جاساۋعا نەگٸز كٶرمەدٸ, ال ۆانداليزم كەسٸرٸنەن قيراعان عيمارات بٶلٸكتەرٸ قالىپقا كەلتٸرٸلەدٸ" دەدٸ.
"ۋكراينسكايا پراۆدا" باسىلىمىنىڭ حابارلاۋىنشا, پوليتسييا نارازىلىقتى "بۇزاقىلىق" دەگەن. الدىن الا ەسەپ بويىنشا, عيماراتقا 2 ملن گريۆەن (30 ملن تەڭگەدەن اسادى) شىعىن كەلگەن.
ستەرنەنكو دەگەن كٸم?
اقپاندا ودەسسا سوتى "پراۆىي سەكتور" ۇيىمىنىڭ جەرگٸلٸكتٸ بٶلٸمشەسٸنٸڭ بۇرىنعى ليدەرٸ سەرگەي ستەرنەنكونى "ادام ۇرلادى جەنە ازاپتادى" دەگەن ايىپپەن 7 جىل 3 ايعا تٷرمەگە قاماعان.
ستەرنەنكو 2015 جىلى بٸرنەشە اداممەن بٸرٸگٸپ, جەرگٸلٸكتٸ كەڭەستٸڭ دەپۋتاتى سەرگەي ششەربيچتٸ ۇستاپ ەكەتٸپ, ونى بوساتۋ ٷشٸن 300 مىڭ گريۆەن (4,5 ملن تەڭگەدەن اسادى) تالاپ ەتكەن دەپ ايىپتالعان. "پراۆىي سەكتوردىڭ" ليدەرٸنٸڭ بٸرٸ ٶزٸنە تاعىلعان ايىپتى مويىندامايدى, ول بۇل ٸستٸڭ "ساياسي استارى بار" دەپ سانايدى.
ستەرنەنكو ودەسسا قالاسىنداعى ەۆرومايدان ليدەرلەرٸنٸڭ بٸرٸ بولعان. 2014 جىلى كيەۆتەگٸ مايدانعا قاتىسىپ, كەيٸن ودەسساداعى "پراۆىي سەكتوردىڭ" بٶلٸمشەسٸن باسقاردى.
2018 جىلى وعان ٷش رەت قاستاندىق جاسالعان. بٸرٸندە شابۋىلداعان ادام پىشاقتالىپ قايتىس بولعان. ستەرنەنكو قورعانعانىن ايتقان. بۇل ٸستٸ پوليتسييا ادامدى قاساقانا ٶلتٸرۋ فاكتٸسٸ بويىنشا تەرگەپ جاتىر. ول قولحاتپەن قاماۋدان بوساتىلعان.
اقپاندا ستەرنەنكونىڭ جاقتاستارى پرەزيدەنت كەڭسەسٸنە كٸرمەك بولعان. پوليتسييا ولارعا كەدەرگٸ كەلتٸرٸپ, بٸرنەشە ادام زارداپ شەككەن.
