ۋكراينا قاۋٸپسٸزدٸك قىزمەتٸ بۇرىنعى دەپۋتات, "موتور سيچ" كەسٸپورنىنىڭ ديرەكتورى ۆياچەسلاۆ بوگۋسلاەۆتى "مەملەكەتكە ساتقىندىق جاسادى" دەگەن كٷدٸكپەن ۇستادى. بۇل جٶنٸندە كٷشتٸك قۇرىلىمداعى دەرەككٶزدەرگە سٷيەنگەن "زابور" باسىلىمى حابارلادى, دەپ جازادى ازاتتىق.
"ۋكراينسكايا پراۆدا" دەرەككٶزٸنٸڭ حابارلاۋىنشا, كەسٸپكەر "باسقىنشى-مەملەكەتپەن" "اۋىز جالاستى" دەگەن كٷدٸككە ٸلٸنگەن.
22 قازاندا 83 جاستاعى بوگۋسلاەۆتىڭ ٷيٸندە تٸنتۋ جٷرگٸزٸلدٸ. "زابور"-دىڭ جازۋىنشا, كەسٸپكەر ەسٸگٸن اشۋدان باس تارتقاننان كەيٸن قۇقىق قورعاۋ ورگان ٶكٸلدەرٸ ارنايى قۇرال پايدالانعان.
"مەملەكەتكە ساتقىندىق جاساۋ" بابى بويىنشا كٷدٸككە ٸلٸنگەن بوگۋسلاەۆتىڭ كٸنەسٸ دەلەلدەنسە, ٶمٸرلٸك تٷرمەگە كەسٸلۋٸ مٷمكٸن. ونى زاپوروجەدەن كيەۆكە قاراۋىلمەن اپارا جاتقانى حابارلاندى.
ۋكراينالىق ساياسي, قوعام قايراتكەرٸ ۆياچەسلاۆ بوگۋسلاەۆ رادانىڭ 5,6,7,8-شاقىرىلىمداعى دەپۋتاتى بولعان. 1994 جىلدان بەرٸ "موتور سيچ" كەسٸپورنىنىڭ باسقارما جەتەكشٸسٸ, باس ديرەكتورى. ول - ۋكرايناداعى ەڭ اۋقاتتى 25 ادامنىڭ بٸرٸ.
"موتور سيچ" اۆياتسييا سالاسىندا گاز تۋربيناسى قوزعالتقىشى مەن ٶنەركەسٸپتٸك قوندىرعىلاردى ٶندٸرٸپ, جٶندەۋمەن اينالىسادى.
