20 مامىردا ۋكراينا پارلامەنتٸندە ۆلاديمير زەلەنسكيي حالىققا ادال قىزمەت ەتۋگە انت ەتٸپ, ەل پرەزيدەنتٸ قىزمەتٸنە كٸرٸستٸ. ۇلىقتاۋ رەسٸمٸندە سٶيلەگەن زەلەنسكيي جوعارعى رادانى (پارلامەنت) تاراتاتىنىن ايتتى.
زەلەنسكيي ۋكراينا كونستيتۋتسيياسى مەن ٸنجٸلگە قولىن قويىپ, انت مەتٸنٸن وقىدى. وتىرىسقا قاتىسۋشىلار پرەزيدەنت انتىن تٷرەگەپ تۇرىپ تىڭدادى. وسىدان كەيٸن وتىرىسقا تٶراعالىق ەتكەن جوعارعى رادا تٶراعاسى اندرەي پارۋبيي پرەزيدەنت زەلەنسكييدٸ جوعارعى راداداعى ۋكراينا پرەزيدەنتٸنٸڭ ورنىنا جايعاسۋعا شاقىردى.
يناۋگۋراتسييادان سوڭ سٶيلەگەن زەلەنسكيي ۋكرايناداعى ەلەۋمەتتٸك مەسەلەرگە توقتالدى. ول "ٷكٸمەت بٸزدٸڭ مەسەلەنٸ شەشپەيدٸ. ٷكٸمەتتٸڭ ٶزٸ - بٸزدٸڭ مەسەلەمٸز" دەگەن تسيتاتانى كەلتٸرٸپ, "پارلامەنتتە كەلەشەك ۇرپاقتىڭ قامىن ويلايتىندار عانا وتىرۋى كەرەك" دەدٸ.
ازاتتىق اگەنتتٸگٸنٸڭ جازۋىنشا, جاڭا پەرزيدەنت پارلامەنتتەن دەپۋتاتتاردىڭ تيٸسپەۋشٸلٸك مەرتەبەسٸن الىپ تاستاۋدى, ۋكراينا قاۋٸپسٸزدٸك قىزمەتٸنٸڭ باسشىسىن, قورعانىس مينيسترٸ مەن باس پروكۋروردى قىزمەتٸنەن بوساتۋدى سۇرادى. زەلەنسكيي دەپۋتاتتارعا "بۇل ٷشٸن سٸزدەرگە ەكٸ اي بەرٸلەدٸ" دەدٸ.
ول ۋكراينانىڭ ەۋروپاعا بەت بۇراتىنىن ايتتى. "ەڭ باستى ماقساتىم - دونباسستاعى داۋعا نٷكتە قويۋ" دەدٸ زەلەنسكيي.
- بٸرٸگۋٸمٸز كەرەك. سول كەزدە مىقتى بولامىز. ەلەمدەگٸ بارلىق ۋكراينالىققا ايتارىم - بٸز 65 ميلليونبىز. سٸزدەر بٸزگە كەرەكسٸزدەر, مىقتى دا قۋاتتى ۋكراينا قۇرۋعا ەربٸرٸڭٸز قاجەتسٸزدەر. سٸزدەرگە ۋكراينا ازاماتتىعىن بەرۋدٸ ۋەدە ەتەمٸن. بۇل - بٸزدٸڭ ۇلتتىق يدەيامىز, - دەدٸ پرەزيدەنت.
زەلەنسكيي دەپۋتاتتارعا قاراتا "كابينەتتەرٸڭٸزگە مەنٸڭ سۋرەتٸمدٸ ٸلمەڭٸزدەر. پرەزيدەنت - مٸنەجات ەتەتٸن تۇلعا ەمەس. بالالارىڭىزدىڭ سۋرەتٸن قويىڭىزدار. قانداي دا بٸر شەشٸم قابىلداماس بۇرىن سولاردىڭ كٶزٸنە قاراڭىزدار" دەدٸ.
پرەزيدەنتتٸ ۇلىقتاۋ رەسٸمٸ تاڭعى 10.00-دە (نۇر-سۇلتان ۋاقىتىمەن 13.00-دە) باستالدى. يناۋگۋراتسييا ٶتەردەن بٸرەر كٷن بۇرىن پارلامەنتتٸك كواليتسييانىڭ تاراپ كەتكەنٸ بەلگٸلٸ بولدى. بۇل زەلەنسكييدٸڭ جوعارعى رادانى تاراتىپ, كەزەكتەن تىس پارلامەنت سايلاۋىن ٶتكٸزۋ جوسپارىنا كەدەرگٸ كەلتٸرۋٸ مٷمكٸن.
ۇلىقتاۋ رەسٸمٸنە لاتۆييا, ليتۆا, ەستونييا, گرۋزييا مەن ۆەنگرييا پرەزيدەنتتەرٸ, چەحييا سەناتىنىڭ, ەزەربايجان پارلامەنتٸنٸڭ باسشىلارى, بەلارۋس پەن ارمەنييانىڭ پرەمەر-مينيسترلەرٸ, اقش ەنەرگەتيكا مينيسترٸ, گرۋزييا, مولدوۆا, پولشا, سلوۆاكييا مەن جالپى العاندا ەلۋدەن اسا ەلدٸڭ ٶكٸلدەرٸ كەلدٸ. بۇدان بٶلەك سىرتتاي سوتتالعان ۆيكتور يانۋكوۆيچتٸ ەسەپتەمەگەندە ۋكراينانىڭ بارلىق ەكس-پرەزيدەنتٸ رادا زالىندا وتىردى.
قازاقستان اتىنان يناۋگۋراتسيياعا پارلامەنت سەناتى تٶراعاسىنىڭ ورىنباسارى بەكتاس بەكنازاروۆ باردى.
ۋكراينادا پرەزيدەنت سايلاۋىنىڭ ەكٸنشٸ كەزەڭٸ 21 سەۋٸردە ٶتتٸ. جاڭا مەملەكەت باسشىسى رەتٸندە اكتەر, شوۋمەن ۆلاديمير زەلەنسكيي سايلانعان. قارسىلاسى پوروشەنكو جەڭٸلگەنٸن مويىنداعانىمەن, كەلەر سايلاۋعا قاتىساتىنىن مەلٸمدەدٸ.
