رەسەي ەسكەرٸنە قوسىمشا رەسۋرس جەتكٸزۋگە قيىندىق كەلتٸرۋ ٷشٸن ۋكراين كٷشتەرٸ حەرسون وبلىسىنداعى انتونوۆ كٶپٸرٸن اتقىلاعان.
ۋكراينا كٷشتەرٸ وڭتٷستٸكتە رەسەي جاۋلاپ العان جەرلەردٸ قايتارۋ ٷشٸن قارىمتا شابۋىلعا كٶشتٸ, دەپ حابارلايدى ازاتتىق.
بۇل ۋاقىتتا رەسەي ۋكراينانىڭ ورتالىق ايماقتارى مەن استانا ماڭىنداعى اۋدانداردى اتقىلادى. دەگەنمەن مەسكەۋگە شىعىستاعى ۇرىستاردا جاۋىنگەر جەتپەي جاتقانى مەلٸم بولدى.
ۋكراين ەسكەرٸنٸڭ مەلٸمدەۋٸنشە, ەۋە كٷشتەرٸ رەسەيدٸڭ حەرسون تٷبٸندەگٸ بەس بەكٸنٸسٸ مەن قالاعا جاقىن ماڭداعى تاعى بٸر بەكٸنٸسٸنە سوققى جاساعان. رەسەي ەسكەرٸن حەرسون تٷبٸندە قورشاۋعا الۋدى كٶزدەگەن كيەۆ سوعىس باستالعالى بەرٸ ەڭ ٸرٸ قارىمتا شابۋىلىن جٷرگٸزٸپ جاتىر.
كەيٸنگٸ اپتالاردا ۋكراينا باتىس جەتكٸزگەن زىمىران كەشەندەرٸن قولداندى. سونىڭ كٶمەگٸمەن دنەپردەگٸ ٷش كٶپٸرگە سوققى جاسالىپ, ٶزەننٸڭ باتىس جاعىنداعى رەسەيلٸك ەسكەرگە كٶمەك جەتكٸزۋ قيىندادى.
مەسكەۋ اننەكسييالاپ العان قىرىممەن شەكارالاس حەرسون وبلىسىن رەسەي كٷشتەرٸ 24 اقپاندا سوعىس باستالعان كەزدە باسىپ العان.
ايتا كەتەيٸك, 28 شٸلدەدە رەسەي ۋكراينانىڭ ورتالىق بٶلٸگٸندەگٸ كيروۆگراد وبلىسىن ەۋەدەن سوققىلادى. سونىڭ سالدارىنان كروپيۆنيتسك قالاسىندا بەس ادام وپات بولىپ, 26 ادام جارالاندى. كيەۆ تٷبٸندەگٸ ەسكەري بازادا 15 ادام زارداپ شەكتٸ. ۋكراينانىڭ سولتٷستٸك جەنە وڭتٷستٸك ايماقتارى دا ەۋەدەن اتقىلاندى.
