ۋكراينا مەن رەسەيدٸڭ بٸشكەكتەگٸ ەلشٸلەرٸ قىرعىزستانداعى باسپاسٶزدە جانجالداسىپ قالدى. وعان ۋكراينالىق ديپلومات نيكولاي دوروشەنكونىڭ جەرگٸلٸكتٸ جۋرناليستەرمەن كەزدەسۋٸ تٷرتكٸ بولعان. ال كەلەسٸ كٷنٸ Vesti.kg جاڭالىقتار سايتىندا "قىرعىزستانداعى ۋكراينا ەلشٸسٸ جەرگٸلٸكتٸ جۋرناليستەردٸ رەسەيمەن جانجالداستىرىپ قويعىسى كەلە مە?" دەپ اتالاتىن ماقالا جارييالاندى.
ماتەريالدا رەسەيدٸڭ بٸشكەكتەگٸ ەلشٸسٸ اندرەي كرۋتكونىڭ سٶزدەرٸ بەرٸلگەن. ول ۋكراينالىق ەرٸپتەسٸن ديپلوماتييالىق ەتيكانى بۇزدى دەپ ايىپتاعان. بۇعان قوسا رەسەيلٸك ديپلومات ۋكراينانىڭ شىعىسىنداعى اۆدەەۆكاداعى جاعدايدىڭ شيەلەنٸسۋٸ تۋرالى ايتا كەلٸپ, ۋكراينالىق بيلٸكتٸ ارانداتۋشىلىق ەرەكەتكە باردى دەپ سىناعان.
"اۆدەەۆكاداعى جاعدايعا كەلەر بولساق, تاعى بٸر ارانداتۋشىلىقتىڭ كۋەسٸ بولدىق. ۇرىنىڭ بٸرٸنشٸ بولىپ ايقايلاتىنى تۋرالى ماقالدى ەسكە تٷسٸرەدٸ", - دەپ مەلٸمدەگەن كرۋتكو.
ۋكراينا ەلشٸسٸ بۇعان كٶپ كٷتتٸرمەي جاۋاپ بەردٸ. نيكولاي دوروشەنكو رەسەي ٶكٸلٸن ۋكراينانىڭ ٸشكٸ ٸسٸنە ارالاسۋعا بولمايتىنىن ەسكەرتٸپ, ٶزٸ حالىقارالىق حاتتاما اياسىندا جۇمىس جاسايتىندىعىن ايتقان.
وسىلايشا ۋكراينانىڭ شىعىسىنداعى جاعدايعا قاتىستى پٸكٸرتالاس بٸشكەكتەگٸ ەكٸ ەلشٸنٸڭ باسپاسٶزدەگٸ جانجالىنا ۇلاستى.
