فوتو: اشىق دەرەككٶز
ۋكراينا مەن رەسەي تاعى تۇتقىن الماستى: ۋكراين جاعىنا – 107, دەل سونشا ەسكەري قىزمەتكەر رەسەي جاعىنا ورالدى. بۇل تۋرالى ۋكراينا پەزيدەنتٸ كەڭسەسٸنٸڭ جەتەكشٸسٸ اندرەي ەرماك حابارلادى. ۋكراينامەن تۇتقىن الماسقانىن رەسەي قورعانىس مينيسترلٸگٸ دە راستادى, دەپ جازادى ازاتتىق.
ۋكراينا جاعىنا ورالعان 107 ادامنىڭ 101-ٸ – قاتارداعى جاۋىنگەر نەمەسە سەرجانت, التاۋى – وفيتسەر. 74-ٸ ماريۋپولداعى "ازوۆستال" زاۋىتىن قورعاعان.
"بٸز سوعىستا جارالانعان كٶپ ادامدى قايتارا الدىق. اتاپ ايتقاندا, ماريۋپولدە اۋىر جارالانعان "ازوۆستالداعى" جٸگٸتتەرٸمٸزدٸ قايتاردىق. اياق-قولىنان ايىرىلعان, دەنەسٸ كٷيگەن, جاراسىنا ينفەكتسييا تٷسكەن ادامدار بار. ەلەنوۆكا كولونيياسىنداعى جارىلىستا جارالانعان جاۋىنگەر بار" دەدٸ ەرماك.
ال رەسەي قورعانىس مينيسترلٸگٸ تۇتقىندا بولعان ازاماتتارى جٶنٸندە ەشقانداي اقپارات جارييالامادى.
"بوساتىلعاندار رەسەي ەۋە عارىش كٷشتەرٸنە قاراستى ەسكەري كٶلٸك اۆياتسييا ۇشاقتارىمەن مەسكەۋگە ەمدەۋگە جەتكٸزٸلەدٸ. بارلىعىنا مەديتسينالىق, پسيحولوگييالىق كٶمەك كٶرسەتٸلەدٸ" دەپ حابارلادى ۆەدومستۆو.
26 قازاندا ۋكراينا مەن رەسەي تۇتقىن الماسىپ, ەرقايسىسى ون جاۋىنگەردٸ قايتارعان. بۇعان قوسا رەسەي ۋكراينا جاعىندا سوعىسىپ, 23 تامىزدا قازا تاپقان اقش ارميياسىنىڭ ارداگەرٸ, امەريكالىق ەرٸكتٸ دجوشۋا الان دجونستىڭ سٷيەگٸن بەرگەن.
قازاننىڭ ورتاسىندا ۋكراينا رەسەي جاعىندا تۇتقىندا بولعان 108 ەيەل جاۋىنگەرٸن قايتارىپ العان. اراسىندا "ازوۆستالدان" ەۆاكۋاتسييالانعان 37 ەيەل بار. قايتارىلعانداردىڭ 11-ٸ – وفيتسەر, 85-ٸ – قاتارداعى جاۋىنگەر مەن سەرجانت.
21 قىركٷيەكتە ۋكرايناعا 215 ەسكەري تۇقىن قايتارىلعان, اراسىندا 124 وفيتسەر بار. 108-ٸ – "ازوۆ" جاۋىنگەرلەرٸ. بۇعان قوسا, شەكارا قىزمەتٸ, پوليتسييا, قۇرلىق ەسكەرٸ ساربازدارى بار.
21 قىركٷيەكتە جارييالانعان كەلٸسٸم اياسىندا تۇتقىن الماسقاندا كيەۆ رەسەي جاعىنا ۋكراينالىق ساياساتكەر, سوعىس باستالعاننان كەيٸن تىيىم سالىنعان رەسەيشٸل "وپپوزيتسيوننايا پلاتفورما — زا جيزن" پارتيياسىنىڭ جەتەكشٸسٸ, ۆلاديمير پۋتيننٸڭ قۇداسى ۆيكتور مەدۆەدچۋكتٸ قايتارعان.
