1 سەۋٸردەن باستاپ ۋكراينا مەن رەسەي دوستىعى تۋرالى قۇجاتتىڭ كٷشٸ جويىلدى. قۇجات مەرزٸمٸ 31 ناۋرىزدا ٶتٸپ كەتكەن. ۋكراينانىڭ جوعارعى راداسى 2018 جىلى 6 جەلتوقساندا كەلٸسٸم مەرزٸمٸن ۇزارتپاۋ تۋرالى شەشٸم قابىلداعان.
"ۋكراينا مەن رەسەي فەدەراتسيياسى اراسىنداعى دوستىق, ىنتىماقتاستىق جەنە ەرٸپتەستٸك جٶنٸندەگٸ كەلٸسٸمدٸ توقتاتۋ تۋرالى" زاڭ بىلتىر جەلتوقساندا ماقۇلدانعان.
سول كەزدە كرەمل ۋكراينانىڭ بۇل شەشٸمٸن "اقىلعا قونىمسىز" دەپ باعالاعان. مەسكەۋ "كيەۆتٸڭ كەلٸسٸمنەن شىعۋى رەسەي-ۋكراينا قاتىناسى ٷشٸن عانا ەمەس, ۋكراينانىڭ ۇلتتىق مٷددەسٸنە دە ٷلكەن زاردابىن تيگٸزەدٸ" دەپ سانايدى.
ۋكراينا مەن رەسەي اراسىنداعى دوستىق جەنە ىنتىماقتاستىق جٶنٸندەگٸ كەلٸسٸمگە 1997 جىلدىڭ 31 مامىرىندا سول كەزدەگٸ ەكٸ ەل پرەزيدەنتٸ لەونيد كۋچما مەن بوريس ەلتسين قول قويعان. كەلٸسٸم ون جىلعا (ودان ەرٸ ٶزدٸگٸنەن ۇزارا بەرەدٸ) ارنالعان.
ول 1999 جىلدىڭ 1 سەۋٸرٸنەن باستاپ كٷشٸنە ەنگەن. كەلٸسٸمدە تاراپتاردىڭ بٸر-بٸرٸنٸڭ "اۋماقتىق تۇتاستىعىن قۇرمەتتەپ, ەكٸ ەل اراسىنداعى مىزعىماس شەكارانى مويىندايتىنى" ايتىلعان. قۇجاتتا سونىمەن بٸرگە ەكٸ ەلدٸڭ ٶزارا قارىم-قاتىناسىن "ٶزارا تەڭدٸك, شەكارانىڭ بەرٸكتٸگٸ, داۋ-جانجالدى بەيبٸت رەتتەۋ جەنە كٷش قولدانباۋ پرينتسيپتەرٸ" نەگٸزٸندە قۇراتىنى كٶرسەتٸلگەن.
