ماريۋپولداعى قيراعان اۋرۋحانا. 9 ناۋرىز 2022 جىل.
ۋكراينانىڭ دونەتسك وبلىسىنداعى ماريۋپول قالاسىندا بالالار اۋرۋحاناسى قيراعان. قالا بيلٸگٸ جەنە ۋكراينا پرەزيدەنتٸ ۆلاديمير زەلەنسكيي رەسەي ازاماتتىق نىساندى بومبالادى دەپ ايىپتادى, دەپ حابارلايدى ازاتتىق.
زەلەنسكيي جارييالاعان ۆيدەودا عيماراتتىڭ قيراعانى كٶرٸنەدٸ.
سوققىدان قانشا ادامنىڭ قازا بولعانى جەنە جارالانعانى بەلگٸسٸز. ۋكراينا پرەزيدەنتٸنٸڭ سٶزٸنە قاراعاندا, ٷيٸندٸ استىندا ادامدار قالۋى مٷمكٸن.
"رەسەي ەسكەرٸ پەرزەنتحاناعا تٸكەلەي سوققى جاسادى. ادامدار ٷيٸندٸ استىندا قالدى. بالالار ٷيٸندٸ استىندا قالدى. بۇل - ايۋاندىق!" دەپ جازدى زەلەنسكيي.
ول ناتو ەلدەرٸن ۋكراينانىڭ ەۋە كەڭٸستٸگٸن "جابۋعا" (ياعني, رەسەيلٸك ۇشاقتار مەن زىمىرانداردى اتىپ تٷسٸرۋ) شاقىردى. بۇعان دەيٸن ناتو بۇل جاعدايدى ونان سايىن ۋشىقتىرىپ جٸبەرۋٸ مٷمكٸن دەپ كيەۆ ۇسىنىسىنان باس تارتقان.
"ۋكراينسكايا پراۆدا" سايتىنىڭ جازۋىنشا, جارىلىس وشاعى پەرزەنتحانا مەن بالالار بٶلٸمٸ اراسىنداعى اۋماق بولعان.
رەسەي قورعانىس مينيسترلٸگٸ وقيعاعا تٷسٸنٸكتەمە بەرمەدٸ. ۆەدومستۆو وسىعان دەيٸن رەسەي ەسكەرٸ تۇرعىن ٷيلەر مەن ازاماتتىق نىساندارعا شابۋىل جاسامايدى دەپ مەلٸمدەگەن. بٸراق تۇرعىن ٷيلەر مەن مەكتەپتەردٸڭ, ٶزگە دە ازاماتتىق نىسانداردىڭ قيراعانى جايلى ايعاقتار ٶتە كٶپ. بۇۇ مەلٸمەتٸنشە, 24 اقپاندا رەسەي ۋكرايناعا باسىپ كٸرگەلٸ بەرٸ 1424 بەيبٸت تۇرعىن قازا بولعان.
