ۋكراينا سوتى ەلدٸڭ بۇرىنعى پرەزيدەنتٸ ۆيكتور يانۋكوۆيچتٸ "مەملەكەتكە وپاسىزدىق جاساپ, باسقىنشىلىق سوعىس جٷرگٸزۋگە جەردەم بەردٸ" دەپ تانىپ, سىرتتاي 13 جىلعا سوتتادى. سوت بۇل ايىپتارعا دەلەل رەتٸندە يانۋكوۆيچتٸڭ رەسەي بيلٸگٸنەن ۋكرايناعا ەسكەر كٸرگٸزۋدٸ سۇراعان ٷندەۋٸن كەلتٸردٸ.
سوتقا ۆيكتور يانۋكوۆيچتٸڭ ٶزٸ قاتىسقان جوق. ادۆوكاتىنىڭ ايتۋىنشا, يانۋكوۆيچكە وتا جاسالعان, قازٸر ەمدەلٸپ جاتىر. ۋكراينا اقپارات قۇرالدارىنىڭ حابارلاۋىنشا, سوت پروتسەسٸ كەزٸندە يانۋكوۆيچ 70 رەت سوتقا شاقىرتۋ العان.
بىلتىر قاراشادا يانۋكوۆيچتٸڭ ادۆوكاتتارى ونىڭ جارالانىپ, ەمحاناعا تٷسٸپ قالعانىن جەنە سوتقا تٸپتٸ ۆيدەو بايلانىس ارقىلى دا قاتىسا المايتىنىن حابارلاعان. كيەۆ سوتى ول كەزدە يانۋكوۆيچتٸڭ اۋرۋحانادا جاتسا دا, سوتتاعى سوڭعى سٶزٸن ايتۋىنا رۇقسات بەرگەن. بٸراق يانۋكوۆيچ سوڭعى سٶزٸن ايتقان دا جوق.
يانۋكوۆيچ ٶزٸنە قارسى ٸستٸ "قولدان جاسالعان, ساياسي استارى بار" دەپ, تاعىلعان ايىپتاردى جوققا شىعارادى. ۋكراينا باس پروكۋراتۋراسى يانۋكوۆيچتٸ 15 جىلعا سوتتاۋدى سۇراعان.
يانۋكوۆيچ 2010-2014 جىلدارى ۋكراينا پرەزيدەنتٸ بولعان. 2014 جىلى ەلدەگٸ ساياسي داعدارىس كەزٸندە جوعارعى رادا شەشٸمٸمەن بيلٸكتەن شەتتەتٸلگەن. كەيٸن رەسەيلٸك ەسكەريلەردٸڭ كٶمەگٸمەن وسى ەلگە قاشىپ كەتكەن. قازٸر رەسەيدە تۇرىپ جاتىر.
