ۋكراينا سىرتقى ٸستەر مينيسترٸ دميتريي كۋلەبا 15 سەۋٸردە باتىستان قوسىمشا كٶمەك سۇراپ, "جەي قولدايمىز دەگەن سٶز جەتكٸلٸكسٸز" ەكەنٸن ايتتى. ۋكراينامەن شەكارادا رەسەي ەسكەرٸنٸڭ شوعىرلانۋىنا بايلانىستى كيەۆ پەن مەسكەۋ اراسىندا جاعداي ۋشىعىپ تۇر.
ەستونييا, لاتۆييا جەنە ليتۆاداعى ەرٸپتەستەرٸمەن كەلٸسسٶزدەن كەيٸن كۋلەبا بالتىق ەلدەرٸنەن ەۋرووداقتىڭ قالعان مٷشەلەرٸ مەن ناتو-عا كيەۆكە "ٸس جٷزٸندە كٶمەكتەسۋ" تۋرالى ۇسىنىس ايتۋدى ٶتٸندٸ.
كۋلەبا مەسكەۋدٸ "ۋكرايناعا سوعىس اشامىن جەنە ۋكراينا مەملەكەتتٸگٸنٸڭ تامىرىن جويامىن دەپ اشىق تٷردە قوقان-لوقى كٶرسەتٸپ وتىر" دەپ ايىپتادى. ونىڭ پٸكٸرٸنشە, رەسەيگە ۋكراينا شىعىسىنداعى ەرەكەتٸنٸڭ سالدارى "اۋىر تيەتٸنٸن" ۇقتىرۋ قاجەت.
بالتىق ەلدەرٸنٸڭ سىرتقى ٸستەر مينيسترلەرٸ ۋكراينانى قولداپ, مەسكەۋدٸ جاعدايدى ۋشىقتىرماۋعا شاقىردى.
16 سەۋٸردە ۋكراينا پرەزيدەنتٸ ۆلاديمير زەلەنسكيي فرانتسييا پرەزيدەنتٸ ەممانۋەل ماكرونمەن كەڭەس ٶتكٸزەدٸ. ۆيدەوبايلانىس ارقىلى ٶتەتٸن كەڭەسكە گەرمانييا كانتسلەرٸ انگەلا مەركەل دە قاتىسادى.
جاقىندا ينتەرنەتتە تاراعان فوتولار مەن ۆيدەولاردان رەسەيدٸڭ ۋكراينامەن شەكاراسىندا جەنە مەسكەۋ اننەكسييالاپ العان قىرىمدا رەسەي ەسكەرٸنٸڭ قالىڭ شوعىرى ورنالاسقانى كٶرٸنەدٸ.
اقش قارۋلى كٷشتەرٸنٸڭ ەۋروپا جٶنٸندەگٸ باسقارما جەتەكشٸسٸ گەنەرال تود ۋولتەرس بەيسەنبٸ كٷنٸ كونگرەسس ٶكٸلدەرٸنٸڭ الدىندا سٶز سٶيلەپ, الداعى بٸرنەشە اپتادا رەسەيدٸڭ ۋكرايناعا باسىپ كٸرۋ ىقتيمالدىعى "تٶمەننەن ورتاشاعا" دەيٸن مٷمكٸن دەپ باعالادى.
