ۋكراينانىڭ ورتالىق سايلاۋ كوميسسيياسى 29 قاراشا كٷنٸ ەسكەري جاعداي جارييالانعان 10 وبلىستا جەرگٸلٸكتٸ ٶكٸلدٸ ورگاندارعا سايلاۋ ٶتكٸزبەۋ تۋرالى شەشٸم قابىلدادى.
كوميسسييانىڭ رەسمي سايتىندا جارييالانعان حابارلامادا زاڭعا ساي, ەسكەري جاعداي كەزٸندە پرەزيدەنت, پارلامەنت جەنە جەرگٸلٸكتٸ ٶكٸلدٸ ورگاندارعا سايلاۋ بولمايتىنى ايتىلادى. جەلتوقسان ايىندا ۋكراينانىڭ ەسكەري جاعداي جارييالانعان وبلىستارىندا مۋنيتسيپالدىق, اۋداندىق جەنە وبلىستىق ٶكٸلدٸ ورگاندارعا 60-تان اسا سايلاۋ ٶتۋٸ تيٸس بولعان.
28 قاراشادا ۋكراينانىڭ رەسەيمەن شەكتەسەتٸن وبلىستارىندا جەنە قارا تەڭٸز بەن ازوۆ تەڭٸزٸنٸڭ ٸشكەرٸ ايماقتارىندا ەسكەري جاعداي جارييالانعان. ۋكراينا پرەزيدەنتٸ پەتر پوروشەنكو شىعارعان جارلىق بويىنشا, ەسكەري جاعداي 26 قاراشادان 26 جەلتوقسانعا دەيٸن سوزىلادى.
پوروشەنكو ەسكەري جاعدايدى رەسەيدٸڭ قارا تەڭٸزدە ۋكراينا ەسكەري كەمەلەرٸ مەن تەڭٸزشٸلەرٸن تۇتقىنداۋىنا بايلانىستى جارييالادى. كيەۆ رەسەيدٸڭ بۇل ەرەكەتٸن باسقىنشىلىق دەپ اتايدى. ۋكراينا قارۋلى كٷشتەرٸ تولىق ەسكەري دايىندىققا كەلتٸرٸلدٸ.
25 قاراشادا رەسەي شەكاراشىلارى قارا تەڭٸزدە ۋكراينانىڭ ٷش ەسكەري كەمەسٸن 24 تەڭٸزشٸسٸمەن قوسا تۇتقىنداپ, اننەكسييالاپ العان قىرىم تٷبەگٸنە الىپ كەتكەن. تۇتقىندالعان ۋكراينا تەڭٸزشٸلەرٸنٸڭ بارلىعى ەكٸ ايعا قامالدى. رەسەي ەسكەريلەرٸنٸڭ ۋكراين كاتەرٸن اتقىلاۋى كەزٸندە ٷش ۋكراين تەڭٸزشٸسٸ جارالانعان.
