الماتىلىق اتقىش يگور دۋجنوۆ قازاقستان اۋماعىنان 14 رەت شىققان. بۇل تۋرالى ۇلتتىق قاۋٸپسٸزدٸك كوميتەتٸ مەلٸمدەدٸ, - دەپ حابارلايدى Tengrinews.kz.
ۆەدومستۆونىڭ مەلٸمەتٸنشە, دۋجنوۆ 2003 جىلدان 2012 جىلعا دەيٸن 6 ەلدە بولعان.
"اتاپ ايتقاندا, ازامات يگور دۋجنوۆ تايلاندقا (2003, 2004, 2007 جەنە 2008 جىلدارى), رەسەيگە (2004, 2006, 2007 جەنە 2009 جىلدارى), قىتايعا (2006, 2007 جەنە 2012 جىلدارى), سوندا-اق تٷركيياعا (2005 جىلى) جەنە نيدەرلاندىعا (2005 جىلى) باردى", - دەپ حابارلادى ۇقك باسپاسٶز قىزمەتٸ.
سونىمەن قاتار, ۇقك مەلٸمەتتەرٸ بويىنشا, ول 2008 جىلدىڭ قىركٷيەگٸندە ۋكراينادا دا بولعان. الايدا قانداي ماقساتپەن بارعاندىعى كٶرسەتٸلمەگەن.
ەسكە سالايىق, وقيعا 20 قىركٷيەكتە كەشكە بولعان, شامامەن ساعات 17.20 شاماسىندا اقبۇلاق مٶلتەك اۋدانىنداعى ٷي يەسٸنٸڭ بٸرٸ اڭشى مىلتىعىنان وق اتقان. كۋەگەرلەردٸڭ ايتۋىنشا, اتىس بٸر مينۋت ٸشٸندە بولعان.
الماتىلىق اتقىش بەس ادامدى ٶلتٸردٸ. قازا بولعاندار اراسىندا ەكٸ پوليتسييا قىزمەتكەرٸ, سوت ورىنداۋشىسى, سونداي-اق ٷيدٸڭ جاڭا يەسٸ مەن كۋەگەر بار. الماتى قالاسىنىڭ ەكٸمٸ باقىتجان ساعىنتاەۆ قازا تاپقانداردىڭ تۋىستارىنا كٶڭٸل ايتتى.
