Almatylyq atqysh Igor Dýjnov Qazaqstan aýmaǵynan 14 ret shyqqan. Bul týraly Ulttyq qaýipsizdik komiteti málimdedi, - dep habarlaidy Tengrinews.kz.
Vedomstvonyń málimetinshe, Dýjnov 2003 jyldan 2012 jylǵa deiin 6 elde bolǵan.
"Atap aitqanda, azamat Igor Dýjnov Tailandqa (2003, 2004, 2007 jáne 2008 jyldary), Reseige (2004, 2006, 2007 jáne 2009 jyldary), Qytaiǵa (2006, 2007 jáne 2012 jyldary), sonda-aq Túrkiiaǵa (2005 jyly) jáne Niderlandyǵa (2005 jyly) bardy", - dep habarlady UQK baspasóz qyzmeti.
Sonymen qatar, UQK málimetteri boiynsha, ol 2008 jyldyń qyrkúieginde Ýkrainada da bolǵan. Alaida qandai maqsatpen barǵandyǵy kórsetilmegen.
Eske salaiyq, oqiǵa 20 qyrkúiekte keshke bolǵan, shamamen saǵat 17.20 shamasynda Aqbulaq móltek aýdanyndaǵy úi iesiniń biri ańshy myltyǵynan oq atqan. Kýágerlerdiń aitýynsha, atys bir minýt ishinde bolǵan.
Almatylyq atqysh bes adamdy óltirdi. Qaza bolǵandar arasynda eki politsiia qyzmetkeri, sot oryndaýshysy, sondai-aq úidiń jańa iesi men kýáger bar. Almaty qalasynyń ákimi Baqytjan Saǵyntaev qaza tapqandardyń týystaryna kóńil aitty.
