15 مامىردا الماتى قىلمىستىق ٸستەر بويىنشا مامانداندىرىلعان اۋدانارالىق سوتى «اليەۆ» ۇقت جەتەكشٸسٸ قادىر اليەۆكە جەنە قىلمىستىق توپقا قاتىسۋشىلار اڭسار دارتاەۆقا, دميتريي تەرەشين مەن ەرسەن جۇماباەۆقا ٷكٸم شىعاردى, دەپ حابارلايدى «ۇلت اقپارات» قر ۇقك باسپاسٶز قىزمەتٸنە سٸلتەمە جاساپ.
ۇلتتىق قاۋٸپسٸزدٸك كوميتەتٸنٸڭ حابارلاۋىنشا, سوتتالعانداردىڭ تٶرتەۋٸ دە قر قك 125-بابىنىڭ 2-ب. 1), 8) تارماقتارىمەن, 191-بابىنىڭ 4-ب. 2) تارماعىمەن, 287-بابىنىڭ 3-ب. جەنە 390-بابىنىڭ 2-ب. (ادام ۇرلاۋ, توناۋ, قارۋدى, وق-دەرٸلەردٸ, جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ, بەرۋ, ٶتكٸزۋ, ساقتاۋ, تاسىمالداۋ نەمەسە الىپ جٷرۋ, بيلٸك ٶكٸلٸنٸڭ نەمەسە جاۋاپتى مەملەكەتتٸك لاۋازىم اتقاراتىن لاۋازىمدى ادامنىڭ اتاعىن ٶزدٸگٸنەن يەمدەنۋ) كٶزدەلگەن قىلمىستاردى جاساعانى ٷشٸن كٸنەلٸ دەپ تانىلعان.
ۇقت جەتەكشٸسٸ مەن وعان قاتىسۋشىلار ك. اليەۆ, ا. دارتاەۆ, د. تەرەشين مەن ە. جۇماباەۆ 7 جىل جەنە 1 ايعا باس بوستاندىعىنان ايىرۋمەن قاۋٸپسٸزدٸگٸ ورتاشا تٷزەۋ مەكەمەسٸندە جازاسىن ٶتەۋگە سوتتالدى.
بۇرىن حابارلانعانداي, 2018 جىلعى 10 قازاندا الماتىدا قر ۇلتتىق قاۋٸپسٸزدٸك كوميتەتٸ ٸشكٸ ٸستەر مينيسترلٸگٸمەن بٸرلەسٸپ, الماتى وبلىسىنىڭ تۇرعىنى ك. اليەۆتٸڭ جەتەكشٸلٸگٸندەگٸ اسا قاۋٸپتٸ قارۋلى ۇيىمداسقان قىلمىستىق توپ ەرەكەتٸن انىقتاپ, جولىن كەستٸ.
«قىلمىستىق توپتىڭ نەگٸزٸن بۇرىنعى قۇقىق قورعاۋ ورگاندارىنىڭ قىزمەتكەرلەرٸ قۇراعان, ولار 2018 جىلعى 13 قىركٷيەكتە جامبىل وبلىسىندا وتار ستانتسيياسىندا كەسٸپكەر ر. اگاليۋللينگە قارۋلى شابۋىل جاساپ, 107 مىڭ دوللار, 4 ميلليون رۋبل جەنە 23 مىڭ ەۆرو يەمدەنگەن. تٸنتۋ ٸس-شارالارى بارىسىندا ۇستالعانداردان 8 پيستولەت پەن قارۋ, 140 بٸرلٸك وق-دەرٸ, راديوستانتسييالار, اۆتوموبيلدەردٸڭ جالعان نومەرلٸك تٸركەۋ بەلگٸلەرٸ, ماتادان جاسالعان بەتپەردەلەر, كٸسەندەر مەن باسقا دا قاراقشىلىق شابۋىل جاساۋعا ارنالعان قۇرالدار تابىلىپ, الىندى» دەلٸنگەن حابارلامادا.
جٷرگٸزٸلگەن جەدەل-تەرگەۋ ٸس-شارالارىمەن ۇرلانعان اقشالاي قاراجات جەبٸرلەنۋشٸگە قايتارىلعان.
