فوتو: Ukimet.kz
كەيٸنگٸ 3 جىلدا قابىلدانعان شارالار نەتيجەسٸندە قىلمىستىق قۇقىق بۇزۋشىلىقتار سانى 2 ەسەگە ازايدى. بۇل تۋرالى ٷكٸمەتتەگٸ ۆەدومستۆوارالىق كوميسسييا وتىرىسىندا ايتىلدى, دەپ حابارلايدى "ۇلت اقپارات".
ۆەدومستۆوارالىق كوميسسييا قوعامدىق تەرتٸپتٸ قامتاماسىز ەتۋ, ونىڭ ٸشٸندە ۆانداليزم مەن بۇزاقىلىققا قارسى ٸس-قيمىل مەسەلەلەرٸن قارادى. جىل باسىنان بەرٸ ەلٸمٸز بويىنشا قىلمىستىق قۇقىق بۇزۋشىلىقتار سانى 4%-عا, توناۋ 14%-عا, بٶتەننٸڭ مٷلكٸن ۇرلاۋ 18,5%-عا تٶمەندەگەن.
بٷگٸنگٸ تاڭدا وسىنداي 13,7 مىڭعا جۋىق قىلمىس اشىلدى. "مٷلدەم تٶزبەۋ" قاعيداتىنا سەيكەس 9,4 ملن-عا جۋىق ەكٸمشٸلٸك قۇقىق بۇزۋشىلىقتىڭ جولى كەسٸلدٸ, بۇل ٶتكەن جىلعى كٶرسەتكٸشتەردەن 45%-عا جوعارى. "تازا قازاقستان" اكتسيياسى اياسىندا 856 ستيحييالىق قوقىس ورنى انىقتالدى. بەينەكامەرالار كٶمەگٸمەن 6,5 مىڭ قىلمىس پەن 435 مىڭ ەكٸمشٸلٸك قۇقىق بۇزۋشىلىق انىقتالدى.
جالپى كەيٸنگٸ 3 جىلدا قابىلدانعان شارالار نەتيجەسٸندە قىلمىستىق قۇقىق بۇزۋشىلىقتار سانى 2 ەسەگە ازايدى.
الايدا كٶشەلەردە جاسالعان قىلمىستىڭ كٶبەيۋٸ بايقالادى. ٷكٸمەت باسشىسى بٸرقاتار ٶڭٸردٸڭ ەكٸمدەرٸن تىڭداپ, قاۋٸپسٸزدٸكتٸ قامتاماسىز ەتۋ شارالارىن كٷشەيتۋدٸ تاپسىردى.
"تەجٸريبە كٶرسەتكەندەي, قاۋٸپسٸزدٸك كامەرالارى بار جەرلەردە قۇقىق بۇزۋشىلىقتار از. ولار قوعامدى تەرتٸپكە ٷيرەتەدٸ. جول قاۋٸپسٸزدٸگٸن قامتاماسىز ەتۋ سالاسىندا جاڭا تەحنولوگييالاردى قولدانۋ جاقسى نەتيجە كٶرسەتٸپ وتىر. ەندٸ بۇل جۇمىستى قوعامدىق تەرتٸپ سالاسىندا دا دامىتۋ قاجەت. بەينەباقىلاۋ كامەرالارىنىڭ جەلٸسٸن كەڭەيتٸپ قانا قويماي, ولاردىڭ ساپاسىن كٷشەيتە وتىرىپ, جەكە باسىن سەيكەستەندٸرۋ مٷمكٸندٸگٸمەن تسيفرلىق ينتەللەكتۋالدىق جٷيەلەرگە كٶشۋدٸ جٷزەگە اسىرۋ قاجەت. وسىعان بايلانىستى, ٶڭٸر ەكٸمدٸكتەرٸ قوعامدىق ورىنداردا, تۇرعىن ٷيلەردٸڭ اۋلالارىندا جەنە ازاماتتار جاپپاي جينالاتىن ورىندارىندا بەينەباقىلاۋ كامەرالارىنىڭ سانىن كٶبەيتۋ بويىنشا جۇمىستى ۇيىمداستىرسىن", - دەپ اتاپ ٶتتٸ ولجاس بەكتەنوۆ.
