قر پرەمەر-مينيسترٸ ەليحان سمايىلوۆ ۇلتتىق ەكونوميكا, اۋىل شارۋاشىلىعى, ەكولوگييا, گەولوگييا جەنە تابيعي رەسۋرستار, تٶتەنشە جاعدايلار, قورعانىس مينيسترلٸكتەرٸنٸڭ باسشىلىعىمەن ٷكٸمەتتٸڭ 2022 جىلعا ارنالعان ٸس-قيمىل باعدارلاماسىن ەزٸرلەۋ مەسەلەلەرٸ جٶنٸندە كەڭەستەر ٶتكٸزدٸ. بۇل تۋرالى ٷكٸمەتتٸڭ باسپاسٶز قىزمەتٸ حابارلادى.
ۇلتتىق ەكونوميكا مينيسترلٸگٸ ۇسىنعان شارالار حالىقتىڭ تابىسىن ارتتىرۋعا, شاعىن جەنە ورتا بيزنەستٸ دامىتۋعا, جاڭا ينۆەستيتسييالىق ساياساتتى قالىپتاستىرۋعا, مەملەكەتتٸڭ ەل ەكونوميكاسىنا قاتىسۋ ٷلەسٸن قىسقارتۋعا, ماكروەكونوميكالىق تۇراقتىلىقتى قامتاماسىز ەتۋگە, مەملەكەتتٸك باسقارۋ جٷيەسٸن جاڭعىرتۋعا جەنە تاريفتٸك ساياساتتى جەتٸلدٸرۋگە باعىتتالعان.
اۋىل شارۋاشىلىعى مينيسترلٸگٸ ۇسىنعان شارالار جاڭا الما باقتارىن وتىرعىزۋ, ەت ٶنٸمدەرٸن قايتا ٶڭدەۋ, قۇس ەتٸن ٶندٸرۋ, بالىق ٶسٸرۋ, كارتوپ پەن كٶكٶنٸستەردٸ ساقتاۋ جٶنٸندەگٸ ينۆەستيتسييالىق جوبالاردى ٸسكە اسىرۋدى كٶزدەيدٸ. اۋىل شارۋاشىلىعى تاۋارىن ٶندٸرۋشٸلەردٸ جەڭٸلدەتٸلگەن نەسيەمەن, كٶكتەمگٸ ەگٸس جۇمىستارىن جٷرگٸزۋگە ارزانداتىلعان ديزەل وتىنىمەن قامتاماسىز ەتۋ, اٶك سۋبەكتٸلەرٸن سۋبسيدييالاۋ جٷيەسٸن جەتٸلدٸرۋ, ۆەتەرينارييالىق جٷيەنٸ رەفورمالاۋ جوسپارلانىپ وتىر. ٶندٸرٸسكە زاماناۋي رەسۋرس ٷنەمدەۋشٸ تەحنولوگييالاردى ەنگٸزۋ, تۇقىم شارۋاشىلىعىن جەنە جەم-شٶپ ٶندٸرٸسٸن دامىتۋ بويىنشا شارالار قابىلدانادى.
ەكولوگييا, گەولوگييا جەنە تابيعي رەسۋرستار مينيسترلٸگٸ قورشاعان ورتاعا لاستاۋىش زاتتار شىعارىندىلارىن ازايتۋ, لاستانعان جەرلەردٸ قالپىنا كەلتٸرۋ, زيياندى قالدىقتار جيناقتالعان بايىرعى قويمالاردى جويۋ, قالدىقتاردى باسقارۋ جٷيەسٸن جەتٸلدٸرۋ, كٶلدەردٸ قالپىنا كەلتٸرۋ, سۋ ينفراقۇرىلىمىن تسيفرلاندىرۋ, بالىق سالاسىن دامىتۋ شارالارىن ۇسىندى. ۋتيليزاتسييالىق الىم مٶلشەرلەمەسٸ قايتا قارالادى.
تٶتەنشە جاعدايلار مينيسترلٸگٸ ازاماتتىق قورعانىس ەسكەري بٶلٸمدەرٸنٸڭ ۇيىمدىق-شتاتتىق قۇرىلىمىن رەفورمالاۋ, ازاماتتىق قورعاۋ ورگاندارىنىڭ ماتەريالدىق-تەحنيكالىق جەنە ەلەۋمەتتٸك قامتاماسىز ەتٸلۋٸن نىعايتۋ جٶنٸندە شارالار قابىلداۋدى كٶزدەپ وتىر.
قورعانىس مينيسترلٸگٸ قارۋلى كٷشتەردٸ رەفورمالاۋ جٶنٸندەگٸ بٸرٸنشٸ كەزەكتەگٸ مٸندەتتەردٸ ٸسكە اسىرۋ بويىنشا شارالار قابىلدايدى. ەسكەرلەردٸڭ جاۋىنگەرلٸك ەزٸرلٸگٸ مەن جاۋىنگەرلٸك قابٸلەتٸن ارتتىرۋ ماقساتىندا جەكە قۇرامنىڭ سانىن ۇلعايتۋ, ەسكەرلەردٸ زاماناۋي قارۋ-جاراقپەن جەنە ەسكەري تەحنيكامەن جاراقتاندىرۋ, قاجەتتٸ ەسكەري ينفراقۇرىلىممەن جاراقتاندىرۋ شارالارى كٶزدەلگەن.
