قر پرەمەر-مينيسترٸ اسقار ماميننٸڭ تٶراعالىعىمەن جەنە قر پارلامەنتٸ مەجٸلٸسٸنٸڭ تٶراعاسى نۇرلان نىعماتۋليننٸڭ قاتىسۋىمەن ٶتكەن جاڭعىرتۋ جٶنٸندەگٸ ۇلتتىق كوميسسييانىڭ سەلەكتورلىق وتىرىسىندا «قر تۇڭعىش پرەزيدەنتٸ – ەلباسى ن. نازارباەۆتىڭ بەس ينستيتۋتسيونالدىق رەفورماسىن ٸسكە اسىرۋ جٶنٸندەگٸ 100 ناقتى قادام» ۇلت جوسپارىن ورىنداۋ بويىنشا 2020 جىلعى جۇمىس قورىتىندىسى شىعارىلدى. بۇل تۋرالى primeminister.kz سايتى حابارلادى.
اتقارىلىپ جاتقان جۇمىستار تۋرالى ۇلتتىق ەكونوميكا مينيسترٸ رۋسلان دەلەنوۆ, قارجى مينيسترٸ ەرۇلان جاماۋباەۆ, يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ, مەدەنيەت جەنە سپورت مينيسترٸ اقتوتى رايىمقۇلوۆا, بٸلٸم جەنە عىلىم مينيسترٸ اسحات ايماعامبەتوۆ, دەنساۋلىق ساقتاۋ مينيسترٸ الەكسەي تسوي, اقپارات جەنە قوعامدىق دامۋ مينيسترٸ ايدا بالاەۆا جەنە باسقا دا جاۋاپتى تۇلعالار باياندادى.
بٷگٸنگٸ تاڭدا ۇلت جوسپارىنىڭ 100 قادامىنىڭ 71 قادامى, ونىڭ ٸشٸندە بيىل 9 قادامى ٸسكە اسىرىلدى.
«مەملەكەت باسشىسى قاسىم-جومارت كەمەلۇلى توقاەۆ ٶزٸنٸڭ 2020 جىلعى 1 قىركٷيەكتەگٸ جولداۋىندا ۇلت جوسپارى مەن بەس ينستيتۋتسيونالدىق رەفورما اياسىندا قر تۇڭعىش پرەزيدەنتٸ – ەلباسى نۇرسۇلتان ەبٸشۇلى نازارباەۆتىڭ رەفورمالارىنا ەلەۋلٸ سەرپٸن بەرۋ قاجەتتٸگٸن اتاپ ٶتتٸ. بيىل ايتارلىقتاي جۇمىس جٷرگٸزٸلٸپ, جاقسى نەتيجەلەرگە قول جەتكٸزٸلدٸ», — دەدٸ ا. مامين.
پرەمەر-مينيستر ۇلت جوسپارىن تولىق ەرٸ ساپالى جٷزەگە اسىرۋ بويىنشا بەلسەندٸ جۇمىستى ودان ەرٸ جٷزەگە اسىرۋدى تاپسىردى. ينۆەستيتسييالار تارتۋ كٶلەمٸن, بٸرٸنشٸ كەزەكتە, جاڭا جۇمىس ورىندارىن قۇرۋدى قامتاماسىز ەتەتٸن ەكونوميكانىڭ باسىم سەكتورلارىنداعى جاڭا ٸرٸ جوبالارعا ارتتىرۋ بويىنشا تارماقتارعا ەرەكشە نازار اۋدارىلدى.
وتىرىستا ۇلتتىق كوميسسييانىڭ كەلەسٸ جىلى «كەسٸبي مەملەكەتتٸك اپپاراتتى قالىپتاستىرۋ» مەن «يندۋسترييالاندىرۋ جەنە ەكونوميكالىق ٶسٸم» باعىتتارى بويىنشا ۇلت جوسپارىنىڭ 10 قادامىن ٸسكە اسىرۋدى كٶزدەيتٸن 2021 جىلعا ارنالعان جۇمىس جوسپارى بەكٸتٸلدٸ.
