QR Premer-Ministri Asqar Maminniń tóraǵalyǵymen jáne QR Parlamenti Májilisiniń Tóraǵasy Nurlan Nyǵmatýlinniń qatysýymen ótken Jańǵyrtý jónindegi ulttyq komissiianyń selektorlyq otyrysynda «QR Tuńǵysh Prezidenti – Elbasy N. Nazarbaevtyń bes institýtsionaldyq reformasyn iske asyrý jónindegi 100 naqty qadam» ult josparyn oryndaý boiynsha 2020 jylǵy jumys qorytyndysy shyǵaryldy. Bul týraly primeminister.kz saity habarlady.
Atqarylyp jatqan jumystar týraly ulttyq ekonomika ministri Rýslan Dálenov, qarjy ministri Erulan Jamaýbaev, indýstriia jáne infraqurylymdyq damý ministri Beibit Atamqulov, mádeniet jáne sport ministri Aqtoty Raiymqulova, bilim jáne ǵylym ministri Ashat Aimaǵambetov, densaýlyq saqtaý ministri Aleksei Tsoi, aqparat jáne qoǵamdyq damý ministri Aida Balaeva jáne basqa da jaýapty tulǵalar baiandady.
Búgingi tańda Ult josparynyń 100 qadamynyń 71 qadamy, onyń ishinde biyl 9 qadamy iske asyryldy.
«Memleket basshysy Qasym-Jomart Kemeluly Toqaev óziniń 2020 jylǵy 1 qyrkúiektegi Joldaýynda Ult jospary men Bes institýtsionaldyq reforma aiasynda QR Tuńǵysh Prezidenti – Elbasy Nursultan Ábishuly Nazarbaevtyń reformalaryna eleýli serpin berý qajettigin atap ótti. Biyl aitarlyqtai jumys júrgizilip, jaqsy nátijelerge qol jetkizildi», — dedi A. Mamin.
Premer-Ministr Ult josparyn tolyq ári sapaly júzege asyrý boiynsha belsendi jumysty odan ári júzege asyrýdy tapsyrdy. Investitsiialar tartý kólemin, birinshi kezekte, jańa jumys oryndaryn qurýdy qamtamasyz etetin ekonomikanyń basym sektorlaryndaǵy jańa iri jobalarǵa arttyrý boiynsha tarmaqtarǵa erekshe nazar aýdaryldy.
Otyrysta Ulttyq komissiianyń kelesi jyly «Kásibi memlekettik apparatty qalyptastyrý» men «Indýstriialandyrý jáne ekonomikalyq ósim» baǵyttary boiynsha Ult josparynyń 10 qadamyn iske asyrýdy kózdeitin 2021 jylǵa arnalǵan jumys jospary bekitildi.
