قاسىم-جومارت توقاەۆ جاڭا پرەزيدەنتتٸك مەرزٸمدەگٸ العاشقى جارلىعىمەن ٷكٸمەتكە اۋىلدى دامىتۋدىڭ 5 جىلعا ارنالعان جوسپارىن ەزٸرلەۋدٸ تاپسىردى, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«قازٸر – سايلاۋداعى جەڭٸستٸ تويلايتىن كەز ەمەس, ايانباي ەڭبەك ەتەتٸن كەز. سول سەبەپتٸ, ارقانى كەڭگە سالماي, بٸردەن ٸسكە كٸرٸسۋٸمٸز كەرەك, بوساڭسۋعا بولمايدى. وسى ورايدا, ەڭ الدىمەن قولعا الاتىن بٸرنەشە مەسەلەگە ارنايى توقتالعىم كەلەدٸ.
مەن سايلاۋالدى سٶزدەرٸمدە اۋىلدى ٶركەندەتۋ ٸسٸنە باسا نازار اۋداردىم. بٷگٸندە قازاقستان حالقىنىڭ 40 پايىزعا جۋىعى اۋىلدا تۇرادى. «اۋىل – ەل بەسٸگٸ» دەپ حالقىمىز بەكەر ايتقان جوق. سوندىقتان اۋىلداعى جاعدايدى جاقسارتا الماساق – بەرٸمٸزگە سىن. سول ٷشٸن مەن بٷگٸن اۋىلدى دامىتۋ مەسەلەسٸ تۋرالى جارلىققا قول قويامىن.
وسى قۇجات ارقىلى ٷكٸمەتكە اۋىلدى دامىتۋدىڭ 5 جىلعا ارنالعان ناقتى جوسپارىن ەزٸرلەۋدٸ تاپسىرامىن. بۇل مەنٸڭ جاڭا پرەزيدەنتتٸك مەرزٸمدەگٸ بٸرٸنشٸ جارلىعىم بولادى. ٷكٸمەت اۋىلدى دامىتۋعا ارنالعان بارلىق جوبانى جٷيەلٸ تٷردە رەتتەپ, جيناقتاۋعا تيٸس. سودان كەيٸن ماقساتتى تٷردە تيٸمدٸ جۇمىس جٷرگٸزەمٸز» - دەدٸ مەملەكەت باسشىسى سالتانناتتى ۇلىقتاۋ رەسٸمٸندە.
