فوتو: اشىق دەرەككٶز
ٷكٸمەت رەزەرۆٸنەن ۇلىتاۋ وبلىسىنىڭ سۋمەن جابدىقتاۋ ينفراقۇرىلىمىن جاڭعىرتۋعا 1,8 ملرد تەڭگە بٶلٸندٸ, دەپ حابارلايدى Ult.kz.
تيٸستٸ قاۋلىعا پرەمەر-مينيستر ولجاس بەكتەنوۆ قول قويدى. قاراجات پرەزيدەنتتٸڭ حالىقتىڭ ٶمٸر سٷرۋ ساپاسىن ارتتىرۋ جەنە اۋىز سۋمەن قامتاماسىز ەتۋ جٶنٸندەگٸ تاپسىرمالارىن جٷزەگە اسىرۋ ماقساتىندا جەزقازعان قالاسىنىڭ شارۋاشىلىق-اۋىز سۋ تازارتۋ قۇرىلىستارىن رەكونسترۋكتسييالاۋدى اياقتاۋعا باعىتتالعان.
جۇمىس ٸستەپ تۇرعان كەشەن 1966 جىلى پايدالانۋعا بەرٸلگەن, جابدىقتىڭ توزۋى 90%-عا جەتتٸ.
قازٸرگٸ ۋاقىتتا نىساندا ۇزىندىعى 4 شاقىرىم ينجەنەرلٸك جەلٸلەر (كەرٸز, جىلۋمەن جابدىقتاۋ, جارىقتاندىرۋ) تارتىلىپ, ترانسفورماتورلىق قوسالقى ستانسالار مەن تاراتۋ قۇرىلعىلارى سالىندى. سٷزٸلگەن جەنە اۋىز سۋعا ارنالعان 4 رەزەرۆۋار رەكونسترۋكتسييالاندى جەنە پايدالانۋعا بەرٸلدٸ, سورعى جابدىعى جاڭارتىلدى.
ٷكٸمەت رەزەرۆٸنەن بٶلٸنگەن قاراجات نىساننىڭ قۇرىلىس-مونتاج جۇمىستارىن اياقتاپ, 2026 جىلى جوسپارلى پايدالانۋعا مٷمكٸندٸك بەرەدٸ.
جەزقازعاننىڭ ينفراقۇرىلىمىن جاڭعىرتۋ جٶنٸندەگٸ جۇمىس — حالىقتىڭ سۋمەن جابدىقتاۋ قىزمەتتەرٸنە قولجەتٸمدٸلٸگٸن قامتاماسىز ەتۋ جٶنٸندەگٸ جٷيەلٸ جۇمىستىڭ بٸر بٶلٸگٸ. 2024 جىلدىڭ قورىتىندىسى بويىنشا ساپالى اۋىز سۋعا قولجەتٸمدٸلٸك: قالالاردا – 99,4%, اۋىلدىق ەلدٸ مەكەندەردە – 98%-دى قۇرايدى.
100% كٶرسەتكٸشكە قول جەتكٸزۋ ٷشٸن 2025 جىلى ٷكٸمەت رەسپۋبليكالىق بيۋدجەتتە 257 جوبانى جٷزەگە اسىرۋعا 105,7 ملرد تەڭگە قاراستىرعان. بۇدان بٶلەك, ارناۋلى مەملەكەتتٸك قوردىڭ قاراجاتى ەسەبٸنەن 229 جوبانى جٷزەگە اسىرۋعا قوسىمشا 135,8 ملرد تەڭگە بٶلٸندٸ.
ٷكٸمەت بٶلٸنگەن قاراجاتتىڭ ۋاقتىلى ماقساتتى يگەرٸلۋٸن جەنە پرەزيدەنتتٸڭ ازاماتتاردىڭ ەل-اۋقاتىن جاقسارتۋ جٶنٸندەگٸ تاپسىرمالارىن ورىنداۋ ٷشٸن جٷرگٸزٸلەتٸن جۇمىستاردىڭ ساپاسىن باقىلايدى.
