بٷگٸن قر پرەمەر-مينيسترٸ ەليحان سمايىلوۆتىڭ تٶراعالىعىمەن كٷن سايىنعى فورماتتاعى داعدارىسقا قارسى شارالار جٶنٸندەگٸ جەدەل شتابتىڭ وتىرىسى ٶتتٸ, دەپ حابارلايدى قر ٷكٸمەتٸنٸڭ باسپاسٶز قىزمەتٸ.
وتىرىس بارىسىندا قازاقستاندىق جٷك تاسىمالدارى سالاسىندا تۋىنداپ وتىرعان لوگيستيكالىق مەسەلەلەر بويىنشا شەشٸمدەر قابىلداندى. اتاپ ايتقاندا, قر يندۋسترييا جەنە ينفراقۇرىلىمدىق دامۋ مينيسترٸ ق. ٶسكەنباەۆ شەتەلدٸك سەرٸكتەستەرمەن ٶتكەن كەلٸسسٶزدەر جەنە قول جەتكٸزٸلگەن ۋاعدالاستىقتار تۋرالى باياندادى.
«ەلٸمٸزدٸڭ ترانزيتتٸك-لوگيستيكالىق ەلەۋەتٸن نىعايتۋ ٷشٸن جٷك تاسىمالى, «اقتاۋ/قۇرىق – باكۋ – تبيليسي – كارس» باعىتى بويىنشا سەرٸكتەستەرمەن كەلٸسٸمدەر پىسىقتالىپ جاتىر. سونداي-اق تاريفتٸك ساياسات مەسەلەسٸ دە شەشٸمٸن تابۋدا», — دەدٸ قر يندۋسترييا جەنە ينفراقۇرىلىمدىق دامۋ مينيسترٸ.
سونىمەن قاتار بيزنەس, «اتامەكەن» ۇكپ جەنە مٷددەلٸ مەملەكەتتٸك ورگاندار اراسىندا ٶزەكتٸ اقپاراتپەن جەدەل الماسۋ مەسەلەسٸ تالقىلاندى. وسىلايشا, قاجەتتٸ مەلٸمەتتەر بازاسى بٸر جٷيەگە كەلتٸرٸلەدٸ.
«اتامەكەن» ۇكپ تٶرالقا تٶراعاسى ر. باتتالوۆ جەدەل شتابتىڭ كەلەسٸ وتىرىسىندا قاراۋ ٷشٸن بيزنەستٸڭ ۇسىنىستارىن دايىنداۋ بارىسى تۋرالى ايتتى.
پرەمەر-مينيستردٸڭ تٶراعالىعىمەن جەدەل شتابتىڭ كەلەسٸ وتىرىسى بيىلعى 7 ناۋرىزدا ٶتەدٸ.
