قر ٷكٸمەتٸنٸڭ بٷگٸنگٸ وتىرىسىندا تٷركٸستان قالاسىنىڭ باس جوسپارى جوباسى قارالدى جەنە ماقۇلداندى, دەپ حابارلايدى "ۇلت اقپارات".
«ەلباسى نۇرسۇلتان ەبٸشۇلى نازارباەۆتىڭ تاريحي شەشٸمٸنٸڭ ارقاسىندا قاسيەتتٸ تٷركٸستان قالاسى - بٷكٸل تٷركٸ ەلەمٸنٸڭ مەدەني-رۋحاني استاناسى رەتٸندە ٶركەندەۋٸنە ٷلكەن سەرپٸن بەرٸلدٸ. قازٸرگٸ تاڭدا تٷركٸستان – ەلٸمٸزدٸڭ رۋحاني جاڭعىرۋىنىڭ سيمۆولىنا اينالۋدا. مەملەكەت باسشىسى قاسىم-جومارت توقاەۆ تٷركٸستان قالاسىنىڭ دامۋىنا ٷلكەن نازار اۋدارادى», - دەپ اتاپ ٶتتٸ قر پرەمەر-مينيسترٸ اسقار مامين.
ٷكٸمەت باسشىسى تٷركٸستاننىڭ جاڭادان دامۋىن, تاريحي قۇندىلىقتاردى ساقتاي وتىرىپ, ودان ەرٸ كٶركەيۋٸن قامتاماسىز ەتۋ ماقساتىندا 2018 جىلعى قىركٷيەكتە تٷركٸستان قالاسىن دامىتۋدىڭ باس جوسپارىنىڭ تۇجىرىمداماسى ماقۇلدانعانىن ەسكە سالدى.
«قىسقا مەرزٸمدە ناقتى جۇمىس اتقارىلدى. تٷركٸستان قالاسىنىڭ مەدەني-رۋحاني جەنە ەكٸمشٸلٸك-ٸسكەرلٸك ورتالىقتارىنىڭ, كٶلٸك جەنە ينجەنەرلٸك ينفراقۇرىلىمى, تۇرعىن ٷيلەر ايماعىنىڭ قۇرىلىسى قارقىندى جٷرگٸزٸلدٸ. جالپى, وبلىس ورتالىعى تٷركٸستان قالاسىنا كٶشٸرٸلگەننەن بەرٸ قالانىڭ نەگٸزگٸ كاپيتالعا ينۆەستيتسييالار كٶلەمٸ - 400 ملرد تەڭگەنٸ قۇرادى. جاڭا باس جوسپارعا سەيكەس قالا اۋماعى بٸرشاما ۇلعايدى – 3 مىڭ گەكتارعا جۋىق. سونىمەن قاتار, قالا تۇرعىندارىنىڭ سانى 176 مىڭعا دەيٸن ٶستٸ, 2025 جىلعا قاراي قالا حالقىنىڭ سانى 250 مىڭعا دەيٸن, ال 2035 جىلعا قاراي 350 مىڭعا دەيٸن جەتەتٸن بولادى», - دەيدٸ اسقار مامين.
ونىڭ ايتۋىنشا, تەز ٶسٸپ كەلە جاتقان قالانىڭ بارلىق مۇقتاجدىعى تٷركٸستان قالاسىن دامىتۋ بويىنشا ۇسىنىلىپ وتىرعان جوسپاردا ەسكەرٸلگەن. ول قالا تۇرعىندارى مەن ونىڭ قوناقتارى ٷشٸن تولىققاندى جايلى ورتا قۇرۋعا مٷمكٸندٸك بەرەدٸ.
«ۇسىنىلعان جوسپار قالانىڭ جەنە تٷركٸستان وبلىسىنىڭ اتقارۋشى ورگاندارىمەن جەنە دە ورتالىق مەملەكەتتٸك ورگاندارمەن كەلٸسٸلگەن. قالا ينفراقۇرىلىمىن دامىتۋدىڭ تيٸستٸ سحەمالارى ەزٸرلەنگەن. جوسپاردى قابىلداۋ – تٷركٸستان قالاسىنىڭ الداعى ۋاقىتتا دامۋىنىڭ ناقتى باعىتىن بەلگٸلەيدٸ. سوندىقتان ۇسىنىلىپ وتىرعان جوسپار جوباسىن قولداۋدى جەنە ٷكٸمەتتٸڭ تيٸستٸ قاۋلىسىنا داۋىس بەرۋدٸ ۇسىنامىن», - دەدٸ اسقار مامين.
