ٷكٸمەتتەن قۇرىلعان ارنايى كوميسسييا «Bek Air» كومپانيياسىنىڭ ۇشاعى اپاتقا ۇشىراعان جەرگە كەلدٸ, دەپ حابارلايدى "ۇلت اقپارات" ازاماتتىق اۆياتسييا كوميتەتٸنە سٸلتەمە جاساپ.
«2019 جىلعى 27 جەلتوقساندا ساعات 07:22 - دە الماتى-نۇر-سۇلتان باعىتى بويىنشا «بەك ەير» ەۋە كومپانيياسىنىڭ №Z2100 رەيسٸ ۇشىپ كٶتەرٸلۋ كەزٸندە بيٸكتٸكتەن ايىرىلىپ, بەتوندى قورشاۋدى سىندىرعان.
ۇشاق الماتى وبلىسى تالعار اۋدانى گٷلدالا جەنە ەل-مەرەك ەلدٸ مەكەندەرٸنٸڭ ورتاسىنداعى ەكٸقاباتتى قۇرىلىس نىسانىنا سوعىلعان. دەرەۋ قۇتقارۋ جۇمىستارى باستالدى, ٶرت بولعان جوق. وقيعا ورنىنا مەديتسينالىق كٶمەك كٶرسەتۋ ٷشٸن 40 جەدەل جەردەم بريگاداسى جٸبەرٸلدٸ.
الماتىدا قۇلاعان ۇشاق ٸسٸنە قاتىستى قر پرەمەر-مينيسترٸنٸڭ تاپسىرماسى بويىنشا ٷكٸمەتتٸك كوميسسييا قۇرىلدى. كوميسسييا قۇرامىندا قر پرەمەر-مينيسترٸنٸڭ ورىنباسارى ر.سكليار, قر يندۋسترييا جەنە ينفراقۇرىلىمدىق دامۋ مينيسترٸ ج ب.اتامقۇلوۆ جەنە باسقا دا مەملەكەتتٸك ورگانداردىڭ ٶكٸلدەرٸ بار. الدىن الا دەرەكتەر بويىنشا بورتتا 95 جولاۋشى, 5 ەكيپاج مٷشەسٸ بولعان.
ەۋە كەمەسٸنٸڭ ۇشۋعا جارامدىلىق سەرتيفيكاتى 2019 جىلدىڭ مامىر ايىندا بەرٸلگەن. بورتتىڭ شىعارىلعان ۋاقىتى 1996 جىلدىڭ سەۋٸر ايى. قازاقستاندىق رەەستردە 2016 جىلدىڭ 26 تامىزىنان تٸركەلٸپ تۇر. ەۋە كومپانيياسىنداعى Fokker-100 ەۋە كەمەسٸنٸڭ سانى -10, ولاردىڭ 9-ى ۇشۋعا جارامدى.
وقيعانىڭ ناقتى سەبەپتەرٸ انىقتالىپ جاتىر.
قازٸرگٸ ۋاقىتتا قازاقستاننىڭ اۆياتسييا كوميتەتٸنٸڭ ەكٸمشٸلٸگٸ «بەك ەير» ەۋە كومپانيياسىنىڭ ۇشاقتارىن توقتاتتى.
